Skin Care Tips: तुम्ही ट्राय केलंय कोरियन ब्यूटी सीक्रेट? घरी असे बनवा राइस वॉटर
Korean Beauty Secret: तुम्ही सुद्धा सौंदर्य वाढवण्यासाठी अनेक उपाय करून पाहत असाल. तुम्ही कधी कोरियन ब्यूटी सीक्रेट असलेले तांदळाचे पाणी वापरले आहे का? घरच्या घरी राइस वॉटर कसे बनवायचे आणि वापरायचे ते जाणून घ्या.
Tips to Make Rice Water: प्रत्येक स्त्रीला सुंदर आणि तरुण दिसण्याची इच्छा असते.त्यामुळे तिचे सौंदर्य वाढवण्यासाठी ती घरगुती उपायांपासून महागड्या ब्युटी पार्लर ट्रीटमेंटपर्यंत सर्व प्रयत्न करत असते.सौंदर्य वाढवण्यासाठी तुम्हाला घरगुती उपाय माहीत असतील. पण तुम्हाला के-ब्युटी ट्रेंडबद्दल माहिती आहे का? के-ड्रामा आणि के-फूड प्रसिद्ध झाल्यानंतर के-ब्युटी ट्रेंड आजकाल खूप चर्चेत आहेत. कोरियन ब्युटी ट्रेंडमध्ये राइस वॉटर म्हणजेच तांदळाचे पाणी सौंदर्य वाढवण्यासाठी वापरले जाते. या कोरियन ब्युटी रेमेडीचे सर्वात मोठे वैशिष्ट्य म्हणजे ते बनवणे आणि वापरणे खूप सोपे आहे. तुम्हालाही खूप कमी खर्चात उत्तम रिझल्ट देणारे काहीतरी करून पहायचे असेल तर तुम्ही के-ब्युटी ट्रेंड ट्राय करू शकता.
काय आहे कोरियन राइस वॉटर?
तांदूळ पाण्यात भिजवल्यावर पाण्याचा रंग बदलतो आणि थोडा ढगाळसारखा होते, जसे काही दुधाचे थेंब पाण्यात मिसळले आहेत. तांदळाचे सर्व पोषक आणि खनिजे या पाण्यात आढळतात, ज्याला राइस वॉटर म्हणतात. या तांदळाच्या पाण्यात असलेले पोषक घटक त्वचेला नैसर्गिक चमक तर देतातच शिवाय त्यातील आर्द्रता संतुलित ठेवतात. इतकेच नाही तर हे पाणी सैल त्वचेला टाइट आणि चमक देण्यासही मदत करते. तांदळाच्या पाण्याचे सर्वात मोठे वैशिष्ट्य म्हणजे तुमच्या नाजूक त्वचेला कोणताही दुष्परिणाम सहन करावा लागत नाही. कारण त्यात तांदूळ आणि पाण्याशिवाय दुसरे काहीही मिसळले जात नाही.
कसे तयार करावे
- सर्वप्रथम तांदूळ नळाच्या पाण्यात चांगले धुवा जेणेकरून त्यातील घाण आणि अशुद्धता पूर्णपणे निघून जाईल.
- तांदूळ पाण्याने नीट धुऊन झाल्यावर एका भांड्यात दोन कप स्वच्छ पाणी घाला आणि त्यात तांदूळ भिजवा.
- साधारण अर्धा तास हे तांदूळ पाण्यात असेच राहू द्या.
- काही वेळाने तुम्हाला दिसेल की भांड्यातील पाण्याचा रंग स्वच्छ ते ढगाळ झाला आहे.
- आता तांदूळ चांगले मिक्स करा आणि स्वच्छ गाळणीच्या मदतीने दुसऱ्या भांड्यात पाणी गाळून घ्या.
- हे फिल्टर केलेले पाणी वापरण्यासाठी तयार असले तरी ते अधिक प्रभावी होण्यासाठी ते रुम टेम्परेचरला २४ ते ४८ तास झाकून ठेवा. असे केल्याने यीस्ट तयार होण्याची प्रक्रिया सुरू होईल आणि त्याचे पौष्टिक मूल्य लक्षणीय वाढेल.
- आता हे पाणी एअर टाइट डब्यात भरून फ्रिजमध्ये ठेवा आणि गरजेनुसार वापरा.
- हे पाणी फ्रिजमध्ये ठेवल्याने त्याचा ताजेपणा तर टिकेलच, पण हे थंड राइस वॉटर तुमच्या त्वचेसाठीही अधिक फायदेशीर ठरेल.
वापरणे आहे सोपे
- हायड्रेटिंग फेस मास्क म्हणून वापरण्यासाठी तांदळाच्या पाण्यात मध किंवा एलोवेरा मिसळा आणि चेहऱ्यावर लावा. सुमारे २० मिनिटांनंतर कोमट पाण्याने धुवा.
- नैसर्गिक टोनर म्हणून वापरण्यासाठी कापसाच्या स्वच्छ तुकड्यावर तांदळाचे पाणी घ्या आणि संपूर्ण चेहऱ्यावर हळूवारपणे लावा. यामुळे त्वचेचा रंग तर सुधारेलच पण नैसर्गिक चमकही येईल.
- तांदळाचे पाणी मेकअप रिमूव्हर म्हणून देखील वापरले जाऊ शकते. फक्त हे स्वच्छ कापसाच्या बॉलवर टाका आणि याने आपला चेहरा स्वच्छ करा.
- नैसर्गिक क्लींजरप्रमाणे चेहरा स्वच्छ करण्यासोबतच त्वचेच्या नैसर्गिक तेलाचेही संरक्षण होईल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या