मराठी बातम्या  /  लाइफस्टाइल  /  Hair Mask: खराब झालेल्या केसांसाठी बनवा तांदळाचे हेअर मास्क, एका वापरात मिळेल मऊ आणि चमकदार केस

Hair Mask: खराब झालेल्या केसांसाठी बनवा तांदळाचे हेअर मास्क, एका वापरात मिळेल मऊ आणि चमकदार केस

Hiral Shriram Gawande HT Marathi
Apr 08, 2024 01:23 PM IST

Hair Mask for Damage Hair: बहुतेक लोक खराब झालेल्या केसांच्या समस्येने त्रस्त असतात. केसांच्या समस्यांना तोंड देण्यासाठी हा तांदळाचा हेअर मास्क वापरू शकता. तो कसा बनवायचा आणि लावायचा जाणून घ्या.

Hair Mask: खराब झालेल्या केसांसाठी बनवा तांदळाचे हेअर मास्क, एका वापरात मिळेल मऊ आणि चमकदार केस
Hair Mask: खराब झालेल्या केसांसाठी बनवा तांदळाचे हेअर मास्क, एका वापरात मिळेल मऊ आणि चमकदार केस (unsplash)

Rice Flour Hair Mask: केसांची नियमित काळजी घेणे खूप महत्वाचे आहे. केसांची काळजी न घेतल्यास ते फ्रिजी होतात आणि खराब होतात. काही चुकांमुळे सुद्धा या समस्या वाढू शकतात. अशा परिस्थितीत लोक महागड्या उत्पादनांचा वापर करतात. तथापि, यामुळे केसांच्या समस्या कमी होण्याऐवजी वाढू शकतात. खराब झालेल्या केसांपासून मुक्त होण्यासाठी तुम्ही हा घरगुती हेअर मास्क वापरू शकता. तांदूळ केसांसाठी खूप फायदेशीर म्हटले जाते. तांदळाचा हेअर मास्क वापरून तुम्ही मऊ आणि चमकदार केस मिळवू शकता. चला तर मग खराब झालेले केस दुरुस्त करण्यासाठी तांदळाचा हेअर मास्क कसा बनवायचा ते जाणून घेऊया.

ट्रेंडिंग न्यूज

कसा बनवायचा हेअर मास्क

हा हेअर मास्क बनवण्यासाठी एका भांड्यात पाणी घेऊन गरम करा. नंतर त्यात दोन चमचे तांदळाचे पीठ घाला आणि घट्ट होईपर्यंत ढवळत राहा. घट्ट झाल्यावर गॅस बंद करा. नंतर या मिक्समध्ये एक चमचा एलोवेरा जेल आणि दोन चमचे देशी तूप घाला. नंतर त्यात अर्धा चमचा एरंडेल तेल आणि दोन चमचे ऑलिव्ह ऑइल घाला. आता ते चांगले मिक्स करा.

कसे वापरावे

हा मास्क वापरण्यासाठी प्रथम केस हलके ओले करा. मग हा मास्क तुमच्या केसांवर समान रीतीने लावा. कमीत कमी १ तास किंवा हे मास्क कोरडे होईपर्यंत लावलेले राहू द्या. नंतर केस धुवा.

फायदेशीर आहे तांदळाचा हेअर मास्क

तांदळाच्या पिठात अनेक मिनरल्स असतात जे केसांसाठी आरोग्यदायी असतात. याशिवाय यामध्ये एलोवेरा जेल असते ज्यामुळे केस मजबूत होतात. देशी तूप टाळूला आर्द्रता प्रदान करते. जर एखाद्या व्यक्तीला केस गळतीचा त्रास होत असेल तर तो देखील हा पॅक वापरू शकतो. कारण त्यात एरंडेल तेल आणि ऑलिव्ह ऑइल असते जे स्काल्पसाठी चांगले असते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग