मराठी बातम्या  /  लाइफस्टाइल  /  Palak Lasooni: लंच आणि डिनरसाठी मिळत नाहीये ऑप्शन, तर झटपट बनवा पालक लसूणी

Palak Lasooni: लंच आणि डिनरसाठी मिळत नाहीये ऑप्शन, तर झटपट बनवा पालक लसूणी

Hiral Shriram Gawande HT Marathi
May 15, 2024 07:46 PM IST

Lunch and Dinner Recipe: जर तुम्हाला पालक पनीर किंवा पालकाची साधी भाजी खाण्याचा कंटाळा आला असेल तर तुम्ही पालकची चविष्ट रेसिपी ट्राय करू शकता. रेस्टॉरंट स्टाईलमध्ये पालक लसूण कसे बनवायचे ते पाहा.

पालक लसूणीची रेसिपी
पालक लसूणीची रेसिपी (Freepik)

Palak Lasooni Recipe: पालक पाहिल्यानंतर अनेकांचे नाक मुरडायला लागतात, विशेषतः लहान मुले. पालक आरोग्यासाठी कितीही फायदेशीर असले तरी लहान मुलांपासून मोठे सुद्धा पालक खाण्याचा कंटाळा करतात. लोक पालक अनेक प्रकारे खातात जसे की पालकाची डाळ भाजी, पालक पनीर, आलू पालक किंवा रायता. पालक लसूणी ही एक डिश आहे जी फार कमी लोक तयार करतात. ही रेसिपी चवीला खूप चविष्ट लागते. तुम्हालाही पालकापासून काही वेगळे बनवायचे असेल तर तुम्ही ही रेसिपी ट्राय करू शकता. ही बनवायला सोपी आणि झटपट तयार होते. लंच आणि डिनरसाठी ही रेसिपी परफेक्ट आहे. चला मग जाणून घ्या कसे बनवायचे लसूणी पालक

ट्रेंडिंग न्यूज

पालक लसूणी बनवण्यासाठी तुम्हाला आवश्यक आहे...

- ताजे पालक

- तेल

- चिरलेला कांदा

- टोमॅटो

- लसूण

- संपूर्ण लाल मिरची

- लाल तिखट

- हळद

- धने पावडर

- मीठ

- भाजलेले शेंगदाणे

- भाजलेली हरभरा डाळ

पालक लसूणी बनवण्याची कृती

हे बनवण्यासाठी सर्वप्रथम शेंगदाणे व हरभरा डाळ आधीच भाजून घ्या. नंतर ग्राइंडरमध्ये थोडे पाणी घालून बारीक करा. आता पालक नीट धुवून बारीक चिरून घ्या. आता कढईत तेल गरम करून त्यात चिरलेला लसूण, पालक आणि मीठ घालून परतून घ्या. पालक भाजल्यावर बाहेर काढा. आता कढईत तेल गरम करून त्यात संपूर्ण लाल मिरची, जिरे, चिरलेला कांदा, लसूण (थोडासा) परतून घ्या. आता त्यात टोमॅटो, हळद, धने पावडर आणि थोडे मीठ घाला. आता त्यात शेंगदाणे आणि हरभरा डाळची तयार केलेली पेस्ट घाला. 

थोडे पाणी घालून झाकण ठेवून शिजू द्या. भाजीतून तेल वेगळे झाले की समजा तुमची लसूणी पालक तयार आहे. दुपारच्या किंवा रात्रीच्या जेवणात भात किंवा पोटी सोबत गरम गरम सर्व्ह करा.

WhatsApp channel