Recipe Spinach Corn Chilla: नाश्त्यासाठी बनवा कॉर्न-पालकाचा पौष्टिक चीला, जाणून घ्या रेसिपी!
Breakfast Recipe: बाजारात अनेकप्रकारच्या भाज्या आल्या आहेत. याचा पुरेपूर वापर करून तुम्ही टेस्टी आणि पौष्टिक चीला बनवू शकता.
Healthy Breakfast Recipe: आपल्याला नेहमीच नाश्त्यात काहीतरी हेल्दी हवं असतं. याच कारण हे आपलं दिवसातील पाहिलं मिल असते. पण आठवडाभर तेच तेच पदार्थ खाल्ल्यावर विकेंडला काहीतरी वेगळं चाखायचं असतं. बहुतेक लोकांना नाश्त्यात चीला खायला आवडतो. आपल्याकडे अनेक प्रकारचे चीले बनवतात. तुम्ही बेसनाचा चीला, रवा चीला, भाजीचा चीला अनेकदा खात असाल. या दिवसात हिरव्या पालेभाज्यांचे प्रमाण भरपूर आहे. अशावेळी तुम्ही पालक चीला बनवून खाऊ शकता. त्यात थोडे कॉर्न टाकून तुम्ही ते आणखी पौष्टिक, चवदार आणि आरोग्यदायी बनवू शकता.- या रेसिपीचे पूर्ण नाव पालक कॉर्न चीला आहे. मुले पालक भाजी म्हणून खात नसतील तर तुम्ही हा चीला बनवून त्यांना खाऊ शकता. पालक कॉर्न चीला बनवण्याची पद्धत जाणून घेऊया.
लागणारे साहित्य
पालक - १ कप चिरलेला
बेसन - १ वाटी
कॉर्न - एक कप
कांदा - अर्धी वाटी
सिमला मिरची - १/४ कप
हिरवी मिरची - २ चिरून
Makhana Dosa: दिवसाची सुरुवात करा 'मखाणा डोसा'ने, कोलेस्ट्रॉल आणि साखर राहिल नियंत्रित!
आले पेस्ट - अर्धा टीस्पून
लसूण पेस्ट - अर्धा टीस्पून
काळी मिरी - १/४ टीस्पून
हळद पावडर - अर्धा टीस्पून
जिरे पावडर- अर्धा टीस्पून
मीठ - चवीनुसार
पाणी
तेल
Pancake Recipe: वीकेंडला मुलांसाठी नाश्त्यात बनवा पॅनकेक, जाणून घ्या सोपी रेसिपी!
जाणून घ्या कृती
सर्वात आधी पालक नीट धुवून बारीक चिरून घ्या. पालक आणि कॉर्न मिक्सरमध्ये टाकून बारीक करा. गुळगुळीत पेस्ट तयार झाल्यावर एका भांड्यात काढा. आता त्यात बारीक चिरलेला कांदा, सिमला मिरची, हिरवी मिरची, आले आणि लसूण पेस्ट घालून मिक्स करा. नंतर त्यात काळी मिरी पावडर, हळद, जिरेपूड, चवीनुसार मीठ घालून मिश्रण मिक्स करा. जर ते खूप घट्ट झाले तर तुम्ही थोडे पाणी घालू शकता. चीला पीठ तयार आहे. आता गॅसवर तवा ठेवा. चांगले गरम झाल्यावर त्यात हलके तेल घाला. आता एका चमच्याने चीला मिश्रण घेऊन तव्यावर ओता आणि चांगले पसरवा. मध्यम आचेवर शिजवा. काही सेकंद झाकणाने झाकून ठेवा. वळून दोन्ही बाजूंनी गोल्डन ब्राऊन होईपर्यंत शिजवा. शिजल्यावर ताटात ठेवा आणि चटणी, दही, हिरवी चटणी सोबत गरमागरम आस्वाद घ्या.
संबंधित बातम्या