मराठी बातम्या  /  लाइफस्टाइल  /  Holi Herbal Colour: घरच्या घरी हर्बल रंग बनवण्यासाठी फॉलो करा ही ट्रिक, होळीला त्वचा राहील सुरक्षित

Holi Herbal Colour: घरच्या घरी हर्बल रंग बनवण्यासाठी फॉलो करा ही ट्रिक, होळीला त्वचा राहील सुरक्षित

Hiral Shriram Gawande HT Marathi
Mar 23, 2024 07:35 PM IST

Holi 2024: बाजारात मिळणाऱ्या केमिकल गुलाल आणि रंगामुळे त्वचा खराब होण्याची भीती असते. अशा परिस्थितीत तुम्ही घरच्या घरी हर्बल रंग तयार करू शकता. फक्त या ट्रिक्स फॉलो करा.

होळीसाठी घरी हर्बल कलर बनवण्यासाठी ट्रिक्स
होळीसाठी घरी हर्बल कलर बनवण्यासाठी ट्रिक्स (pexels)

Natural Herbal Colour for Holi: होळीचा सण जवळ आला की बाजार होळीच्या रंगांनी सजायला लागतात. परंतु त्यामध्ये विविध प्रकारची रसायने आढळतात. अशा परिस्थितीत होळीला रंग खेळल्याने त्वचेवर वाईट परिणाम होतो. हर्बल रंग त्वचेच्या संरक्षणासाठी सुरक्षित राहतो. पण बाजारातील हर्बल कलर्स नको असतील तर तुम्ही हर्बल रंग घरीही बनवू शकता. चला तर मग जाणून घेऊया होळीसाठी घरच्या घरी हर्बल रंग बनवण्याची सोपी पद्धत.

हर्बल रंग बनवण्याची ट्रिक

घरी हर्बल रंग बनवण्यासाठी दोन गोष्टी मिक्स करा. बेबी टॅल्कम पावडर आणि कॉर्नस्टार्च. या दोन्ही गोष्टी समान प्रमाणात घ्या आणि मिक्स करा. तुम्हाला हवे असल्यास तुम्ही बेबी पावडरचे प्रमाण वाढवू शकता. त्यामुळे त्वचेला इजा होणार नाही आणि हर्बल रंग सहज तयार करता येतो.

हर्बल कलर बनवण्यासाटी काय करावे

लाल हर्बल कलर

होळीसाठी लाल रंग करण्यासाठी बीटरूट बारीक करून घट्ट द्रावण तयार करा. आता कॉर्न स्टार्च मध्ये गुलाब जल मिक्स करा. तसेच थोड्या प्रमाणात बीटरूटचे घट्ट द्रावण घाला आणि मिक्स करा. कॉर्न स्टार्च जास्त ओले होणार नाही याची काळजी घ्या. रंग आल्यावर पसरवून थोडा वेळ ठेवा. जेणेकरून ओलावा निघून जाईल. लाल रंगाचा हर्बल रंग तयार आहे.

पिवळा हर्बल रंग

पिवळ्या रंगाचा हर्बल गुलाल बनवण्यासाठी हळद पावडरमध्ये पाणी घालून घट्ट द्रावण तयार करा. आता हे घट्ट द्रावण थोडे थोडे बेबी टॅल्कम पावडरमध्ये घाला आणि ते पिवळे होईपर्यंत मिक्स करा. नंतर ते कागदावर पसरवा आणि कोरडे होऊ द्या. लक्षात ठेवा की हर्बल रंगांमुळे त्यांचा रंग थोडा फिकट होईल.

हिरवा हर्बल कलर

हिरवा हर्बल कलर बनवण्यासाठी कोणतीही हिरवी पालेभाजी किंवा पालक बारीक करून घट्ट द्रावण तयार करा. हे द्रावण कॉर्न स्टार्च आणि टॅल्कम पावडरच्या मिश्रणात घाला. तसेच गुलाब जलचे दोन ते चार थेंब टाका. कागदावर ठेवून चांगले मिक्स करा आणि कोरडे करा. तुमचा हर्बल कलर तयार आहे. हे तीन रंग घरच्या घरी सहज आणि आरामात बनवता येतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग