Popsicle Recipe: मुलांना द्या रंगीबेरंगी आईस्क्रीमची ट्रीट, सर्वांना आवडेल चव, पाहा रेसिपी

Chhach Masala: घरच्या घरी बनेल बाजारासारखे ताक, फक्त आधी बनवून ठेवा हा मसाला, पाहा रेसिपी

टरबूज पॉप्सिकल

हे बनवण्यासाठी साहित्य

- टरबूजाचे तुकडे १ कप

- साखर चवीनुसार

- लिंबाचा रस ३ चमचे

कृती

टरबूजातील बिया काढून त्याचे तुकडे करा. ब्लेंडरमध्ये टरबूजचे तुकडे आणि साखर घालून बारीक करा. मिश्रण घट्ट असावे आणि त्यात गुठळ्या नसाव्यात. आवश्यक असल्यास रस गाळून घ्या. आता रसात लिंबाचा रस घालून मिक्स करा. तयार मिश्रण पॉप्सिकल मोल्डमध्ये घाला आणि फ्रीजरमध्ये गोठण्यासाठी ठेवा. यासाठी सहा ते सात तास लागतील. साच्यातून पॉप्सिकल काढा आणि सर्व्ह करा.

Instant Pickle: कैरीचं लोणचं खाण्यासाठी पाहावी लागणार नाही जास्त वाट, या रेसिपीने इंस्टंट बनवा

जांभूळ पॉप्सिकल

हे बनवण्यासाठी साहित्य

- जामुन १\२ कप

- साखर १ चमचे

- चाट मसाला १ चमचा

- काळे मीठ १\४ चमचे

- मीठ १\४ चमचे

- लिंबाचा रस २ चमचे

- पाणी १ कप

कृती

जांभूळ नीट धुवून बिया काढून घ्या. जांभूळ, साखर, चाट मसाला, काळे मीठ, मीठ आणि लिंबाचा रस ब्लेंडरमध्ये घालून चांगले बारीक करा. पाणी घालून पुन्हा एकदा ब्लेंडरमध्ये ब्लेंड करा. आता तयार केलेले साहित्य कुल्फीच्या साच्यात टाका आणि ॲल्युमिनियम फॉइलने झाकून ठेवा. चाकूच्या मदतीने फॉइलमध्ये एक लहान छिद्र करा आणि त्या छिद्रातून आईस्क्रीमची काडी साच्यात घाला. कुल्फी आठ तास फ्रीझरमध्ये ठेवा आणि नंतर साच्यातून काढून सर्व्ह करा.

Frooty Recipe: घरी मँगो फ्रूटी बनवणे आहे खूप सोपे, दहा मिनिटांत तयार होते ही रेसिपी

मँगो पॉप्सिकल

साहित्य

- पिकलेले आंबे २

- साखर ४ चमचे

- पाणी १ कप

कृती

आंबा नीट धुवून त्याचे साल काढून घ्या. आंब्याचे तुकडे करुन मिक्सरच्या जारमध्ये टाका. त्यात साखर टाकून चांगले ब्लेंड करून घ्या. थोडे पाणी घालून आणखी ब्लेंड करून घ्या. आता हे मिश्रण पॉप्सिकल मोल्डमध्ये घाला आणि फ्रीजरमध्ये फ्रीज होण्यासाठी ठेवा. साधारण सहा ते सात तासात पॉप्सिकल तयार होतील. पॉप्सिकल साच्यातून काढा आणि सर्व्ह करा.