मराठी बातम्या  /  लाइफस्टाइल  /  Atta Noodles: मुलांसाठी घरीच बनवा हेल्दी नूडल्स, सर्वांना आवडेल ही टेस्टी रेसिपी

Atta Noodles: मुलांसाठी घरीच बनवा हेल्दी नूडल्स, सर्वांना आवडेल ही टेस्टी रेसिपी

Hiral Shriram Gawande HT Marathi
Jan 11, 2024 06:37 PM IST

Recipe for Kids: लहान असो वा मोठे नूडल्स खायला सगळ्यांनाच आवडते. विशेषतः मुलांना आवडणारे नूडल्स तुम्ही घरच्या घरी पीठापासून बनवू शकता. जाणून घ्या घरी हेल्दी आटा नूडल्स कसे बनवायचे.

आटा नूडल्स
आटा नूडल्स (unsplash)

Healthy Atta Noodles Recipe: मुलांना पास्ता आणि नूडल्स खायला खूप आवडतात. पण बाजारातील नूडल्स मैदा आणि आरारोटपासून बनवले जातात. अशा परिस्थितीत त्यात भाज्या घातल्या तरी त्या अनहेल्दी म्हटल्या जातात. जर तुम्हाला तुमच्या मुलाला हेल्दी खायला द्यायचे असेल तर तुम्ही घरी गव्हाच्या पिठाचे नूडल्स बनवू शकता. हे नूडल्स बनवणे फार कठीण नाही. थोड्या प्रयत्नात ते तयार होते. चला तर मग जाणून घेऊया सोप्या पद्धतीने आटा नूडल्स बनवण्याची पद्धत

आटा नूडल्स बनवण्यासाठी साहित्य

- १ कप गव्हाचे पीठ

- शिमला मिरची

- कांदा

- लसूण

- कोबी

- बीन्स

- ब्रोकोली

- गाजर

- वाटाणे

- चिली सॉस

- सोया सॉस

- व्हाईट व्हिनेगर

- टोमॅटो सॉस

- तेल

- मीठ चवीनुसार

आटा नूडल्स बनवण्याची पद्धत

हे हेल्दी नूडल्स बनवण्यासाठी सर्वप्रथम पिठात चिमूटभर मीठ टाकून पीठ मळून घ्या. लक्षात ठेवा की पीठ थोडे कडक असावे. आता एका खोलगट भांड्यात पाणी भरून उकळा. पाण्यात थोडे तेल टाका. जेणेकरून नूडल्स एकमेकांना चिकटणार नाहीत. पाणी गरम होत असतानाच पिठाचे छोटे गोळे करून पोळी बनवून घ्या. ही पोळी जितकी पातळ असेल तितके नूडल्स चांगले होतील. आता या तयार केलेल्या पोळ्या गरम पाण्यात टाका. लक्षात ठेवा की जर पोळी खूप पातळ असेल तर फक्त दोन मिनिटे शिजवा. पोळा जाड असेल तर थोडा वेळ शिजवून घ्या आणि नंतर शिजवलेल्या पोळ्या बाहेर काढा. पाण्यात टाकल्याने पोळ्या चिकट होऊन घसरतील. पण थंड झाल्यावर ते पूर्णपणे कडक होतील. या पोळ्या थंड झाल्यावर पातळ लांब आकारात कापून घ्या. आता कढईत तेल गरम करून त्यात बारीक चिरलेला लसूण घाला. मोठ्या आकारात चिरलेला कांदा घालून गोल्डन ब्राऊन होईपर्यंत परता. बीन्स, कोबी, सिमला मिरची, ब्रोकोली, गाजर, वाटाणे यांसारख्या हव्या त्या भाज्या घालून शिजवा. तुम्हाला आवडत असेल तर तुम्ही यात स्वीट कॉर्न सुद्धा घालू शकता. आता मीठ घालून साधारण पाच ते सात मिनिटे शिजू द्या. 

शिजल्यावर त्यात चिली सॉस, सोया सॉस, व्हिनेगर, टोमॅटो सॉस टाका. आता घरी बनवलेले आटा नूडल्स घालून मिक्स करा. तुमचे टेस्टी आणि हेल्दी आटा नूडल्स तयार आहेत. सकाळच्या किंवा संध्याकाळच्या नाश्त्यासाठी मुलांसाठी हे परफेक्ट स्नॅक्स आहे.

WhatsApp channel

विभाग