मराठी बातम्या  /  लाइफस्टाइल  /  Chutney Recipe: गुजराती स्टाईलने बनवा कैरीची गोड चटणी, खूप सोपी आहे रेसिपी

Chutney Recipe: गुजराती स्टाईलने बनवा कैरीची गोड चटणी, खूप सोपी आहे रेसिपी

Hiral Shriram Gawande HT Marathi
May 13, 2024 11:29 PM IST

Chunda Recipe: जर तुम्हाला कैरीपासून बनवलेले लोणचे आणि चटणी खायला आवडत असेल तर आता गुजराती स्टाइल कैरीचा छुंदा बनवा. हे बनवायला खूप सोपी आहे आणि ही चटणी खूप टेस्टी लागते.

कैरीची गोड चटणी किंवा छुंदा रेसिपी
कैरीची गोड चटणी किंवा छुंदा रेसिपी (freepik)

Kairi Chutney Recipe: उन्हाळ्यात कच्च्या कैरीची चटणी आणि लोणच्याशिवाय जेवण अपूर्ण वाटतं. जर तुम्ही रोज जेवताना कैरीची डिश मिस करत असाल तर आता बनवा गुजराती स्टाइल कैरीची गोड चटणी. ज्याला गुजरातीमध्ये छुंदा असेही म्हणतात. हे बनवायला खूप सोपे आहे आणि पटकन तयार होते. याची आंबट, गोड, तिखट चव लहान मुलांपासून मोठ्यांपर्यंत सर्वांना आवडेल. चला तर मग जाणून घेऊया कसा बनवायची चविष्ट कैरीची गोड चटणी किंवा छुंदा.

ट्रेंडिंग न्यूज

कैरीची चटणी बनवण्यासाठी आवश्यक साहित्य

- एक ते दोन कैरी

- दोन किसलेले कांदे

- एक चमचा मीठ

- दीड चमचा भाजलेले जिरे

- एक चमचा लाल तिखट

- चिमूटभर हळद

- चार चमचे गूळ

कैरीची चटणी किंवा छुंदा बनवण्याची पद्धत

हे बनवण्यासाठी सर्वप्रथम कैरी नीट धुवून स्वच्छ करा. नंतर ते सोलून घ्या. आता सोललेल्या कैरी किसनीने किसून घ्या. दोन कांदे ही घेऊन चांगले किसून घ्या. आता एका काचेच्या बाउलमध्ये कैरी आणि कांदा घाला. तसेच गुळाची पावडर करून नंतर मिक्स करावे. भाजलेले जिरे, हळद आणि लाल तिखट टाकून एकत्र मिक्स करा. थोडे मीठ घालून मिक्स करून घ्या. आता हे तयार मिश्रण काचेच्या बरणीत भरा आणि काही दिवस तसेच ठेवा. 

जेव्हा ही कैरी थोडी वितळली की तुमची चटणी खाण्यासाठी तयार होते. तुमची कैरीची गोड चटणी किंवा छुंदा तयार आहे. जेवणाची चव वाढवण्यासाठी सर्व्ह करा.

WhatsApp channel

विभाग