मराठी बातम्या  /  लाइफस्टाइल  /  Holi Recipe: होळीला बनवा क्रिस्पी खारे शंकरपाळे, नोट करा रेसिपी

Holi Recipe: होळीला बनवा क्रिस्पी खारे शंकरपाळे, नोट करा रेसिपी

Hiral Shriram Gawande HT Marathi
Mar 21, 2024 10:11 PM IST

Namak Pare Recipe: होळीला नमकीन स्नॅक्स बनवून ठेवायचा विचार करत असाल तर तुम्ही खारे शंकरपाळे बनवू शकता. ही रेसिपी बनवायला सोपी आणि खायला टेस्टी आहे.

खारे शंकरपाळे
खारे शंकरपाळे (freepik)

Khare Shankarpali Recipe: होळीच्या काही दिवस आधीपासूनच महिला होळीच्या पार्टीच्या तयारीला लागतात. या तयारींमध्ये घराच्या सजावटीपासून विविध चविष्ट पदार्थ आणि फराळ बनवण्यापर्यंत सर्व गोष्टींचा समावेश आहे. असाच एक होळीचा पारंपारिक स्नॅक्स म्हणजे खारे शंकरपाळे. महिला अनेकदा तक्रार करतात की त्यांना बाजारासारखे कुरकुरीत खारे शंकरपाळे घरी बनवता येत नाही. जर तुम्हालाही असेच वाटत असेल तर ही रेसिपी ट्राय करा. ही रेसिपी फॉलो करून तुम्ही क्रिस्पी खारे शंकरपाळे बनवू शकता.

कुरकुरीत खारे शंकरपाळे बनवण्यासाठी साहित्य

- मैदा - २ कप

- तेल - १/४ कप (पीठ मिसळण्यासाठी)

- मीठ - चवीनुसार

- ओवा - १/२ टीस्पून

- तेल - तळण्यासाठी

क्रिस्पी खारे शंकरपाळे बनवण्याची पद्धत

कुरकुरीत खारे शंकरपाळे बनवण्यासाठी प्रथम पिठात मीठ, ओवा आणि तेल घालून सर्व काही चांगले मिक्स करा. यानंतर पिठात थोडे पाणी घालून पुरीसारखे कडक पीठ मळून घ्या. पीठ मळताना मळून नीट गुळगुळीत करा. आता मळलेले पीठ २० मिनिटे झाकून ठेवा म्हणजे ते फुगते. आता कढईत तेल टाकून गरम करा. पीठ पुन्हा नीट मळून घ्या. ते गुळगुळीत करा आणि २ भागांमध् येविभाजित करा. एक भाग लाटून घ्या. हे साधारण १/४ सेमी जाड लाटून घ्या.

आता लाटलेली मोठी पोळी ३/४ इंच चौकोनी तुकड्यांमध्ये कापून तयार करा. यासाठी प्रथम लांब कापा आणि नंतर रुंदीच्या दिशेने कापून घ्या. आता खारे शंकरपाळे तळण्यासाठी तेल जास्त गरम करण्याची गरज नाही.चौकोनी तुकडे घालून मंद आचेवर तपकिरी होईपर्यंत तळा. हे मंद आचेवर तळल्याने खारे शंकरपाळे कुरकुरीत होतील. लक्षात घ्या खारे शंकरपाळे तळण्यासाठी सुमारे १० मिनिटे लागतात. तुमचे क्रिस्पी शंकरपाळे तयार आहे. ते पूर्ण थंड झाल्यावरच एयर टाइट डब्यात ठेवा.

WhatsApp channel

विभाग