मराठी बातम्या  /  लाइफस्टाइल  /  Beetroot Oats Idli: नाश्त्यात झटपट बनवा बीटरूट ओट्स इडली, सर्वांना आवडेल ही रेसिपी

Beetroot Oats Idli: नाश्त्यात झटपट बनवा बीटरूट ओट्स इडली, सर्वांना आवडेल ही रेसिपी

Hiral Shriram Gawande HT Marathi
Mar 05, 2024 09:07 AM IST

Breakfast Recipe: सकाळचा नाश्ता खूप महत्त्वाचा असतो. नेहमी हेल्दी नाश्ता खाण्याचा प्रयत्न केला पाहिजे. तुम्हाला हेल्दी खायचे असेल तर तुम्ही बीटरूट ओट्स इडलीची ही रेसिपी ट्राय करू शकता.

बीटरूट ओट्स इडली
बीटरूट ओट्स इडली

Beetroot Oats Idli Recipe: सकाळच्या नाश्त्यात काय बनवावे हा प्रश्न अनेकदा महिलांना असतो. नाश्ता हे एक अत्यावश्यक मील आहे. अशा परिस्थितीत ते हेल्दी असणे देखील महत्त्वाचे आहे. जर तुम्ही नाश्त्यासाठी काही हलके आणि चविष्ट पदार्थ शोधत असाल तर आम्ही तुम्हाला बीटरूट ओट्स इडलीची टेस्टी रेसिपी सांगत आहोत. ही इडली तुम्ही सहज बनवू शकता. ते बनवायला जास्त वेळ आणि जास्त मेहनतही लागणार नाही. शिवाय याची चव लहान मुलांपासून मोठ्यांपर्यंत सर्वांना आवडेल. चला तर मग जाणून घ्या बीटरूट ओट्स इडली कशी बनवायची.

बीटरूट ओट्स इडली बनवण्यासाठी साहित्य

- इंस्टंट ओट्स पावडर १ कप

- रवा १/२ कप

- बीटरूट १/२

- दही १/२ कप

- फ्रूट सॉल्ट १/२ टीस्पून

- पाणी आवश्यकतेनुसार

- तेल ग्रीसिंगसाठी

- मीठ चवीनुसार

बीटरूट ओट्स इडली बनवण्याची पद्धत

बीटरूट ओट्स इडली बनवण्यासाठी सर्वप्रथम ओट्स चांगले बारीक करून त्याची पावडर बनवा. नंतर फ्रूट सॉल्ट वगळता सर्व साहित्य एका बाउलमध्ये ठेवा. हे सर्व चांगले मिक्स करा. हे १५-२० मिनिटे तसेच राहू द्या. इडली स्टँडमध्ये पाणी घाला आणि उकळू द्या. इडलीचे बॅटर सेट झाल्यावर त्यात फ्रूट सॉल्ट टाकून मिक्स करा. आता इडलीच्या साच्याला तेलाने ग्रीस करा. आता त्यात तयार केलेले बॅटर घाला आणि १०-१५ मिनिटे वाफवून घ्या. तुमची टेस्टी आणि हेल्दी बीटरूट ओट्स इडली तयार आहे.

WhatsApp channel

विभाग