मराठी बातम्या  /  लाइफस्टाइल  /  Chutney Recipe: जेवणाची चव वाढवेल आमचूर चटणी, झटपट बनवण्यासाठी पाहा रेसिपी

Chutney Recipe: जेवणाची चव वाढवेल आमचूर चटणी, झटपट बनवण्यासाठी पाहा रेसिपी

Jul 03, 2024 03:19 PM IST

Chutney Recipe in Marathi: आमचूर पावडरचा वापर जेवणात आंबटपणा आणण्यासाठी केला जातो. जर तुमच्याकडे संपूर्ण आमचूर असेल तर तुम्ही त्याच्या मदतीने टेस्टी चटणी तयार बनवू शकता. जाणून घ्या रेसिपी

आमचूर चटणी रेसिपी
आमचूर चटणी रेसिपी

Amchoor Chutney Recipe: भारतीय जेवणात पापड, लोणचे किंवा चटणी नक्की सर्व्ह केले जाते. त्यामुळे भारतात वेगवेगळ्या ठिकाणी वेगवेगळ्या प्रकारच्या चटण्या तयार केल्या जातात. अगदी विविध भाज्या, फळांपासून मसाल्यापर्यंतच्या चटण्या तयार केल्या जातात. येथे आम्ही तुम्हाला आमचूर चटणी कशी बनवायची ते सांगत आहोत. आमचूर हा एक मसाला आहे जो जेवणात वापरला जातो. यामुळे जेवणात आंबटपणा वाढतो. कैरीच्या संपूर्ण आमचूरच्या मदतीने तुम्ही चवदार चटणी बनवू शकता. जर तुमच्याकडे संपूर्ण आमचूर नसेल तर तुम्ही त्याच्या बारीक केलेली पावडर किंवा मसाले वापरू शकता. जाणून घ्या आमचूरची चटणी कशी बनवायची.

आमचूर चटणी बनवण्यासाठी तुम्हाला आवश्यक आहे -

- अर्धा कप आमचूर

ट्रेंडिंग न्यूज

- १/४ कप गूळ किंवा साखर

- एक चमचा मीठ

- एक चमचा लाल तिखट

- एक चमचा भाजलेले जिरे पावडर

- १/४ कप पाणी

आमचूर चटणी कशी बनवायची

आमचूर चटणी बनवण्यासाठी आमचूर एका छोट्या भांड्यात थोडा वेळ भिजत ठेवा. जेव्हा ते पूर्णपणे फुगेल तेव्हा ते गाळून घ्या. आता त्यात गूळ, मीठ, लाल तिखट आणि भाजलेले जिरे पूड एकत्र घाला. आता हे ब्लेंडरमध्ये टाकून चांगले बारीक करून घ्या. आवश्यकतेनुसार पाणी घाला आणि आता हे मिश्रण एका छोट्या सॉस पॅनमध्ये ठेवा. हे मिश्रण मध्यम आचेवर सतत ढवळत उकळा. जेव्हा ते थोडे घट्ट दिसू लागते तेव्हा सॉस पॅन गॅसवरून काढून घ्या. आता हे खोलीच्या तापमानावर थंड होऊ द्या. तुमची आमचूर चटणी तयार आहे. तुमच्या आवडत्या स्नॅक्ससोबत सर्व्ह करा.

WhatsApp channel
विभाग