Glaucoma: डोळ्यांमध्ये दिसणारी ही समस्या देते काचबिंदू असण्याचे संकेत, वेळीच ओळखा
Eye Care Tips: डोळ्यांतील थोडासा ताण किंवा वेदना होत असतील तर हे हलक्यात घेऊ नका. विशेषत: जेव्हा मधुमेह, उच्च रक्तदाब, एनिमिया यासारख्या समस्या असतात. अशा परिस्थितीत डोळ्यांमध्ये काचबिंदूचा धोका झपाट्याने वाढतो. जाणून घ्या या लक्षणे.
Symptoms of Glaucoma: डोळे हा शरीराचा अतिशय नाजूक भाग आहे. त्याची काळजी घेण्यात बहुतांश लोक दुर्लक्ष करतात. परंतु काही वेळा हा निष्काळजीपणा महागात पडते आणि त्यामुळे दृष्टी जाऊ शकते. काचबिंदू ही डोळ्यांची समस्या आहे ज्यामध्ये डोळ्यांच्या मज्जातंतूंना इजा होते. त्यामुळे दिसायला बंद होते किंवा दिसत नाही. वास्तविक ऑप्टिक मज्जातंतू डोळ्यांपासून मेंदूला प्राप्त झालेल्या प्रतिमेचे संकेत देते. ज्यामुळे ते स्पष्ट दिसते. परंतु जेव्हा जास्त दाबामुळे या ऑप्टिक नर्व्हज खराब होतात तेव्हा दृष्टी कमी होते. काचबिंदूच्या समस्येमध्ये या नसा कोणत्याही दबावाशिवाय खराब होतात.
काचबिंदू कसा ओळखावा
सामान्यतः काचबिंदू होतो तेव्हा कोणतीही प्रारंभिक लक्षणे दिसत नाहीत. हे केवळ काही अत्यंत किरकोळ लक्षणांद्वारे ओळखले जाते. त्यामुळेच मधुमेह, उच्च रक्तदाब यांसारख्या समस्या असल्यास डोळ्यांची नियमित तपासणी करून घेणे गरजेचे आहे.
काचबिंदूची सुरुवातीची लक्षणे (early signs of glaucoma)
काचबिंदूची सुरुवातीची लक्षणे नगण्य असतात. हळूवारपणे डोळ्यांच्या कडांकडे पाहिल्यास एक पॅच सारखी अस्पष्ट जागा दिसते. या साइड व्हिजनला पेरिफेरल व्हिजन म्हणतात. त्यामुळे हा काचबिंदू प्रथम पेरिफेरल व्हिजन म्हणजे परिघीय दृष्टीवर परिणाम करतो. यानंतर मध्यवर्ती दृष्टीसह म्हणजे सेंट्रल व्हिजनने पाहणे देखील हळूहळू कठीण होते.
काचबिंदूच्या इतर लक्षणांमध्ये
- डोकेदुखीचा समावेश होतो
- डोळ्यांत वेदना जाणवणे
- उलट्या होणे किंवा मळमळ होणे
- अंधुक दृष्टी
- प्रकाशाकडे पाहताना रंगीबेरंगी वलय अधिक दिसणे
- डोळे लाल होणे
कधी जावे डॉक्टरांकडे
तुमच्या डोळ्यात यापैकी कोणतीही लक्षणे दिसत असतील आणि सोबतच डोकं दुखत असेल आणि डोळा दुखत असेल तर नेत्रतज्ज्ञांकडून नक्कीच नेत्रतपासणी करून घ्या.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
