Beauty Care Tips: केवळ इम्युनिटीच नाही तर चेहऱ्याची चमकही राखतात 'ही' फळं, असे करा रूटीनमध्ये समाविष्ट
Foods to Boost Immunity: जर तुम्हीही कमकुवत इम्युनिटी आणि चेहऱ्यावरील चमक गायब झाल्यामुळे टेन्शनमध्ये असाल तर काळजी करू नका आणि आजपासूनच या ३ फळांचा आपल्या आहारात समावेश करण्यास सुरुवात करा
Best Fruits for Healthy Glowing Skin: आरोग्य आणि सौंदर्य या दोन गोष्टी प्रत्येक व्यक्तीला हव्या असतात. पण वाढते वय आणि धकाधकीच्या आयुष्यामुळे माणसाला आपल्या दोन्ही इच्छा पूर्ण करणे थोडे अवघड होते. अनेकदा असे मानले जाते की, म्हातारपणी चेहऱ्याची चमक हरवण्यासोबतच आरोग्य आणि त्वचेशी संबंधित अनेक समस्या उद्भवतात. ज्यात सांधेदुखीपासून केस पांढरे होणे, डार्क सर्कल, पिंपल्स आणि सुरकुत्या यांचा समावेश आहे. आरोग्य आणि त्वचेशी संबंधित या समस्यांमुळे व्यक्तीच्या चेहऱ्यावर म्हातारपण दिसू लागते. कमकुवत प्रतिकारशक्ती आणि चेहऱ्यावरील चमक गायब झाल्यामुळे तुम्हालाही टेन्शन आले असेल तर आता काळजी करू नका. आजपासूनच या गोष्टींचा आपल्या आहारात समावेश करण्यास सुरुवात करा. ही ३ फळं खाऊन चेहऱ्यावर चमक येण्यासोबतच इम्युनिटी देखील बूस्ट होईल.
इम्युनिटी बूस्ट करून चेहऱ्यावर चमक आणतात हे फळं
संत्री
संत्र्यामध्ये असलेले अँटिऑक्सिडेंट कॅरोटीनोईड्स बारीक रेषा आणि सुरकुत्या यांची समस्या कमी करू शकतात. व्हिटॅमिन सी समृद्ध संत्री एक नैसर्गिक अँटी-एजिंग पोषक आहे जो त्वचेची दुरुस्ती करतो आणि कोलेजेनचे उत्पादन सुनिश्चित करतो. ज्यामुळे त्वचा मुलायम आणि तरुण राहते. याशिवाय संत्र्यांमध्ये असलेले व्हिटॅमिन सी रोगप्रतिकारक शक्ती मजबूत ठेवण्याचे ही काम करते.
त्वचेचा रंग सुधारण्यासाठी असे वापरा संत्री
त्वचेचा टोन सुधारण्यासाठी संत्र्याची साल उन्हात वाळवून बारीक किसून घ्यावी. आता या संत्र्याच्या सालीची पावडर हळद, गुलाब जल मिसळून पेस्ट तयार करा. आठवड्यातून दोन दिवस ही पेस्ट चेहऱ्यावर लावा. संत्र्याच्या सालीमध्ये क्लिंजिंग, अँटी-इंफ्लेमेटरी, अँटी-फंगल आणि अँटी-बॅक्टेरियल गुणधर्म असतात जे पिंपल्स आणि मुरुमांशी लढण्यास देखील मदत करतात.
डाळिंब
डाळिंबामध्ये व्हिटॅमिन सी व्यतिरिक्त व्हिटॅमिन के, फोलेट आणि पोटॅशियम सारखे पोषक असतात. जे रोगप्रतिकार शक्ती मजबूत करून संसर्गापासून संरक्षण देखील करतात. ज्यामुळे बदलत्या ऋतूत आजारी पडण्यापासून बचाव होतो.
त्वचेवर असे वापरा डाळिंबाची साल
डाळिंब खाल्ल्यानंतर डाळिंबाची साल फेकून देत असाल तर पुढच्या वेळी असे करू नका. डाळिंबाची साल संत्र्याच्या सालीप्रमाणे उन्हात वाळवून पावडर तयार करा. या पावडरमध्ये लिंबाचा रस आणि एक चमचा मध मिसळून फेस पॅक तयार करून चेहऱ्यावर १५ मिनिटे ठेवा. त्यानंतर चेहरा पाण्याने स्वच्छ धुवून घ्यावा. चेहऱ्यावरील फाइन लाइन आणि सुरकुत्या दूर करण्यासाठी आठवड्यातून २ वेळा हा पॅक लावा.
सफरचंद
सफरचंदात असलेले व्हिटॅमिन सी जंतूंशी लढून व्यक्तीची प्रतिकारशक्ती मजबूत करते. समजा १०० ग्रॅम कच्च्या सफरचंदांमध्ये सुमारे ४.६ मिलीग्राम व्हिटॅमिन सी असते. यात असलेल्या लोहाचे प्रमाण शरीरात रक्त कमी होऊ देत नाही. इतकंच नाही तर सफरचंदात असलेले फायबर पचन निरोगी ठेवण्यास मदत करते.
ग्लोइंग स्किनसाठी असे वापरा सफरचंद
सफरचंद खाल्ल्यानंतर त्वचा सुधारण्यासाठी आपण त्याची साल देखील वापरू शकता. सफरचंदाचा हा उपाय करण्यासाठी सफरचंदाच्या काही साली पाण्यात उकळून गाळून घ्या. त्यानंतर चेहरा पाण्याने स्वच्छ धुवून घ्यावा. सफरचंदात असलेले अँटिऑक्सिडेंट घटक त्वचेचे सूर्याच्या नुकसानापासून संरक्षण करतात आणि चमक टिकवून ठेवतात.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या