मराठी बातम्या  /  लाइफस्टाइल  /  Tooth Sensitivity: दातांमध्ये सेंसेटिव्हिटीची समस्या? या मार्गांनी मिळेल आराम

Tooth Sensitivity: दातांमध्ये सेंसेटिव्हिटीची समस्या? या मार्गांनी मिळेल आराम

Hiral Shriram Gawande HT Marathi
Jan 29, 2024 05:06 PM IST

Teeth Care Tips: अनेक लोकांना थंड खाल्ल्यावर दातांमध्ये मुंग्या येणे आणि वेदना जाणवतात. या समस्येकडे दुर्लक्ष करून चालणार नाही. काही सोपे उपाय करून यापासून आराम मिळवता येतो.

दातांची सेंसेटिव्हिटी दूर करण्यासाठी उपाय
दातांची सेंसेटिव्हिटी दूर करण्यासाठी उपाय (freepik)

Home Remedies to Prevent Sensitive Teeth: बऱ्याच लोकांचे दात हे कमकुवत असतात आणि त्यांना सतत दातांची समस्या होते. तर दाताची एक समस्या जी बऱ्याच लोकांमध्ये पाहायला मिळते, ती म्हणजे सेंसेटिव्हिटी. यामुळे दातांना थंड किंवा गरम खूप लवकर जाणवते आणि मुंग्या येतात अशी संवेदना होते. दातांच्या या समस्येकडे दीर्घकाळ दुर्लक्ष केल्यास चेहऱ्याचा आणि डोकेदुखीचा त्रास होऊ लागतो. त्यामुळे काही उपायांच्या मदतीने दातांची सेंसेटिव्हिटी कमी करता येते. हे घरगुती उपाय कोणते आहेत ते जाणून घ्या.

दातांमध्ये सेंसेटिव्हिटी का होते

अनेक वेळा दातांमध्ये मुंग्या येण्याचे कारण म्हणजे दात स्वच्छ करण्यासाठी दररोज केले जाणारे काम. दात घासण्याची चुकीची पद्धत, फ्लॉसिंगची चुकीची पद्धत यामुळे हे होऊ शकते. काही लोक दात पांढरे करण्यासाठी दातांवर बेकिंग सोडा वापरतात. त्यामुळे दातांमध्ये सेंसेटिव्हिटी निर्माण होते.

दातांची सेंसेटिव्हिटी दूर करण्यासाठी उपाय

योग्य टूथपेस्ट वापरा

दातांमध्ये सेंसेटिव्हिटी असल्यास पोटॅशियम नायट्रेट असलेली टूथपेस्ट वापरा. हे दातांमधील गॅप ब्लॉक करते. हे हिरड्यांच्या शिरा उघडण्यापासून आणि अधिक सक्रिय होण्यापासून प्रतिबंधित करते. पोटॅशियम नायट्रेट असलेले टूथपेस्ट वापरल्याने काही महिन्यांत लक्षणे दूर होऊ लागतात.

मऊ ब्रिस्टल्स असलेली टूथब्रश वापरा

असे टूथब्रश ज्यांचे ब्रिस्टल खूप हार्ड किंवा रफ आहेत, ते वापरले तर त्यामुळे दात खराब होण्याची शक्यता वाढते. हार्ड टूथब्रश चुकीच्या पद्धतीने वापरल्याने हिरड्या खराब होऊ शकतात. त्यामुळे योग्य प्रकारे ब्रश कसा करायचा हे माहित असले पाहिजे. तसेच नेहमी सॉफ्ट ब्रिस्टल्स असलेले टूथब्रश वापरले पाहिजे.

कठिण गोष्टी चावू नका

जे पदार्थ खूप कडक आहेत त्याचे अनेक तुकडे करून खावेत. सरळ दातांनी चावल्याने दात कमकुवत होण्याची भीती असते. काही फळे खूप कठीण असतात. अशावेळी ते दाताने तोडून खाणे टाळावे.

सॉफ्ट ड्रिंक पिऊ नका

सॉफ्ट ड्रिंक, व्हिनेगर, आंबट ज्यूस यांना आम्लयुक्त चव असते. हे जास्त पिणे टाळावे. जर तुम्ही या प्रकारचा ज्यूस दीर्घकाळ प्यायला तर काही दिवसातच तुम्हाला तुमच्या दातांच्या सेंसेटिव्हिटीची समस्या होऊ शकते. त्यामुळे आंबट आणि सॉफ्ट ड्रिंक्सपासून दूर राहा.

डेंटल फ्लॉस करणे महत्त्वाचे

दात स्वच्छ करण्यासाठी रात्री झोपण्यापूर्वी फ्लॉस करणे महत्वाचे आहे. यामुळे हिरड्या आणि दातांभोवती अडकलेले बॅक्टेरिया निघून जातात. हे बॅक्टेरिया दातांमध्ये राहिल्यास काही काळानंतर हिरड्यांची समस्या उद्भवू लागते. त्यामुळे हिरड्यांसोबतच दातही पडू लागतात.

ऑइल पुलिंग

नारळ किंवा तिळाच्या तेलाने सकाळ-संध्याकाळ गुळण्या केल्याने दातांच्या सेंसेटिव्हिटीपासून आराम मिळतो. ऑइल पुलिंग ही पारंपारिक पद्धत आहे. असे केल्याने तोंडातील बॅक्टेरिया दूर होण्यासोबतच दातांची समस्याही दूर होते.

 

लवंग आहे प्रभावी

लवंगाचे तेल कापसावर लावून संवेदनशील दातांवर ठेवल्याने वेदना आणि मुंग्या येणे कमी होते. दातांसाठी लवंग खूप प्रभावीपणे काम करते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel