Personal Care Tips: दातांचा पिवळेपणा, तोंडाच्या दुर्गंधीमुळे आत्मविश्वास गमावलाय, मग लगेच करा 'हे' घरगुती उपाय
Tips to get rid of yellow teeth: खराब जीवनशैली आणि दक्षतेचा अभाव यामुळे ही समस्या सामान्य आहे. परंतु त्यामागे अनेक गुंतागुंतीची कारणे असू शकतात.
Home remedies to get rid of yellow teeth: दात आणि तोंड हे आपल्या शरीराचे महत्त्वाचे भाग आहेत. जेव्हा दात पिवळे होतात किंवा श्वासाची दुर्गंधी सुरू होते, तेव्हा केवळ शारीरिकच नाही तर मानसिक आणि सामाजिक समस्या देखील उद्भवू शकतात. खराब जीवनशैली आणि दक्षतेचा अभाव यामुळे ही समस्या सामान्य आहे. परंतु त्यामागे अनेक गुंतागुंतीची कारणे असू शकतात. आज आपण या लेखात तज्ज्ञांच्या मते, पिवळे दात आणि श्वासाची दुर्गंधी का उद्भवते, यामुळे कोणत्या समस्या उद्भवू शकतात आणि त्यापासून बचाव करण्यासाठी काय केले पाहिजे याबाबत जाणून घेणार आहोत.
पिवळे दात आणि श्वासाची दुर्गंधी का उद्भवते?
याबाबत बोलताना तज्ज्ञ सांगतात की, पिवळे दात आणि श्वासाची दुर्गंधी ही तोंडाच्या स्वच्छतेची कमतरता आणि इतर शारीरिक समस्यांचे लक्षण असू शकते. दात पिवळे होण्याचे मुख्य कारण म्हणजे दातांच्या पृष्ठभागावर बॅक्टेरिया आणि अन्नाचे कण असलेले प्लाक जमा होणे, नियमित ब्रश न करणे, खाण्याच्या चुकीच्या सवयी, चहा, कॉफी किंवा तंबाखूचे अतिसेवन यामुळे ही समस्या वाढते.
तर दुसरीकडे श्वासाच्या दुर्गंधीचे कारण म्हणजे तोंडात जास्त प्रमाणात बॅक्टेरिया जमा होणे. जेव्हा हे जीवाणू अन्नाचे कण तोडतात, तेव्हा सल्फरयुक्त वायू तयार होतात, ज्यामुळे दुर्गंधी येते. याव्यतिरिक्त, दातांमध्ये अडकलेले अन्न, हिरड्यांचे रोग जसे की हिरड्यांना आलेली सूज, कोरडे तोंड आणि पचनाच्या समस्यांमुळे देखील श्वासाची दुर्गंधी येऊ शकते. अशा परिस्थितीत, या समस्या टाळण्यासाठी, तोंडाची स्वच्छता राखणे फार महत्वाचे आहे.
यामुळे कोणत्या प्रकारच्या समस्या उद्भवू शकतात?
पिवळे दात आणि श्वासाची दुर्गंधी ही केवळ दिसणे किंवा जाणवणे या समस्या नसून ते तोंडाच्या आरोग्याशी संबंधित अनेक गंभीर समस्यांचे लक्षण असू शकतात. दात पिवळे पडणे हे प्लेक किंवा टार्टर जास्त प्रमाणात जमा होण्याचे लक्षण असू शकते, ज्यामुळे हिरड्या सुजतात किंवा रक्तस्त्राव होऊ शकतो. ही समस्या दीर्घकाळ राहिल्यास त्याचे रूपांतर पिरियडॉन्टल रोगासारख्या हिरड्यांच्या आजारात होऊ शकते, ज्यामुळे दात गळणे देखील होऊ शकते. पिवळ्या दातांमुळे व्यक्तीचा आत्मविश्वासही कमी होऊ शकतो. याशिवाय श्वासाची दुर्गंधी इतरांसाठी गैरसोयीची तर असतेच, पण ते शरीरातील अंतर्गत संसर्ग किंवा गंभीर आजारांचेही लक्षण असू शकते. गंभीर प्रकरणांमध्ये, हे दात गळणे किंवा तोंडाच्या कर्करोगासारख्या समस्या देखील सूचित करू शकते.
कोणते घरगुती उपाय करावे?
-तुम्ही दालचिनी पावडर, स्ट्रॉबेरी पल्प आणि बेकिंग सोडा देखील मिक्स करू २ मिनिटे ठेवू शकता.
- श्वासाच्या दुर्गंधीसाठी, तुम्ही पुदिना आणि लिंबाचा रस मिक्स करून तोंडात ठेवू शकता.
-तुम्ही लवंग, वेलची, लिंबू आणि आल्याचा रस किंवा तुळस आणि पुदिना काही वेळ तोंडात ठेऊ शकता.
-तुम्ही बेकिंग सोडा आणि लिंबाचा रस मिक्स करून दातांवर लावू शकता आणि २ मिनिटे ठेवू शकता.
-तुम्ही हायड्रोजन पेरॉक्साइड आणि बेकिंग सोडा मिक्स करून दातांवर लावू शकता.
-तुम्ही तुळशीची पाने आणि लिंबाचा रस यांचे मिश्रण देखील लावू शकता.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या