HMPV Virus : एचएमपीव्ही व्हायरस कसा पसरतो? नागरिकांनी कोणती काळजी घ्यावी? जाणून घ्या
Symptoms of HMPV In Marathi: बीबीएमपीआरोग्य विभागाच्या सूत्रांनी सांगितले की, बालक आणि त्याच्या कुटुंबाचा अलीकडील प्रवासाचा इतिहास नव्हता आणि कोणतीही चिंताजनक लक्षणे दिसत नाहीत.
What precautions should be taken to avoid getting HMPV: चीनमध्ये गेल्या काही आठवड्यांमध्ये HMPV व्हायरसची प्रकरणे झपाट्याने वाढली आहेत, ज्यात मुले आणि वृद्ध अधिक आहेत. याची अनेक कारणे आहेत. थंडीच्या महिन्यांत मोसमी कारणांमुळे श्वसन विषाणूंचा प्रसार वाढतो. याव्यतिरिक्त, दीर्घकाळापर्यंत कोविड-19 ची सावधगिरी, जसे की मास्क घालणे आणि सामाजिक अंतर, इतर विषाणूंवरील प्रतिकारशक्ती कमी करते, ज्यामुळे रोग प्रतिकारशक्तीमध्ये अंतर निर्माण होते.
दरम्यान या व्हायरसने भारतातही धडक दिली आहे. बंगळुरूमध्ये आठ महिन्यांच्या बाळामध्ये मानवी मेटापन्यूमोव्हायरस (एचएमपीव्ही) चे पहिले संशयित प्रकरण आढळून आले आहे. मुलाचा नमुना 2 जानेवारीला घेण्यात आला. बीबीएमपी (ब्रुहत बेंगळुरू महानगर पालीके) आरोग्य विभागाच्या सूत्रांनी सांगितले की, बालक आणि त्याच्या कुटुंबाचा अलीकडील प्रवासाचा इतिहास नव्हता आणि कोणतीही चिंताजनक लक्षणे दिसत नाहीत. एचएमपीव्हीचा प्रामुख्याने मुलांवर परिणाम होत असल्याची नोंद आहे आणि जागतिक स्तरावर फ्लूच्या 0.7 टक्के प्रकरणांमध्ये ते उपस्थित असल्याचे मानले जाते. मात्र, घाबरण्याचे कारण नाही, असे आरोग्य सेवा महासंचालनालयाने म्हटले आहे.तसेच आणखी काही प्रकरणेही आढळून आली आहेत.
HMPV म्हणजे काय?
अमेरिकन लंग असोसिएशनच्या मते, नेदरलँडमधील संशोधकांनी 2001 मध्ये एचएमपीव्ही प्रथम ओळखले होते. हे कोरोना विषाणूसारखे आहे ज्यामुळे तीव्र श्वसन संक्रमण होते. शिवाय हा आजार कोरोनासारखा पसरतो.
एचएमपीव्हीचा प्रसार कसा होतो?
हा विषाणू प्रामुख्याने संक्रमित व्यक्तींच्या संपर्कातून पसरतो, एकतर खोकताना किंवा शिंकताना श्वासोच्छवासाच्या थेंबाद्वारे किंवा दरवाजाच्या हँडल किंवा खेळण्यांसारख्या दूषित पृष्ठभागांना स्पर्श केल्याने. दाट लोकवस्ती असलेल्या शहरी भागात आणि गर्दीच्या ठिकाणी विषाणूचा प्रसार वाढत आहे.
HMPV ची लक्षणे काय आहेत?
एचएमपीव्हीची लक्षणे तीव्रतेत भिन्न असू शकतात आणि त्यात सामान्यतः खोकला, ताप, नाक वाहणे किंवा चोंदणे आणि घसा खवखवणे यांचा समावेश होतो. काही व्यक्तींना घरघर आणि श्वास घेण्यास त्रास होऊ शकतो (डिस्पनिया). काही प्रकरणांमध्ये, संसर्गाचा भाग म्हणून पुरळ देखील येऊ शकते.
HMPV प्रतिबंध करण्यासाठी नागरिकांनी कोणती काळजी घ्यावी-
-मास्क घालून घराबाहेर पडा.
-संक्रमित व्यक्तीच्या संपर्कात येऊ नका.
-खोकताना आणि शिंकताना तोंडावर रुमाल ठेवा.
-जास्त पाणी प्या. पौष्टिक आणि घरी बनवलेले अन्न खा.
-पुरेशी झोप घ्या.
-साबणाने हात धुत रहा, सॅनिटायझर वापरा.
-जेवतानाही हात स्वच्छ धुवावेत.
-दररोज स्नान करा. स्वच्छतेची काळजी घ्या.
-वर नमूद केलेली लक्षणे दिसल्यास डॉक्टरांचा सल्ला घ्या.
संबंधित बातम्या