Bill Saving Tips: दिवसभर एसी चालवल्यानंतरही कमी येईल वीज बिल, जाणून घ्या योग्य पद्धत
Electricity Bll Saving Tips: उकाळ्यापासून दिलासा मिळण्यासाठी लोक एसीचा वापर करतात. पण वाढत्या वीज बिलामुळे टेन्शन वाढते. जर तुम्हालाही हीच समस्या असेल तर या टिप्स तुमच्यासाठी आहेत.
Tips to Reduce Electricity Bill: पावसाला सुरुवात झाली असली तरी उकाळा कमी झालेला नाही. अशा वेळी कितीही कूलर, पंखा चालवला तरी दिलासा मिळत नाही. मात्र पावसाळ्यामुळे दमट गरमी वाढत आहे. या काळात दिवसभर पंखे आणि कुलर चालले तरी उष्णतेवर कोणताही परिणाम होत नाही. एकच गोष्ट थोडी आराम देऊ शकते ती म्हणजे एअर कंडिशनर म्हणजेच एसी. पण एसीची मोठी समस्या म्हणजे भरपूर वीज बिल. कारण काही लोकांना एसी नीट चालवता येत नाही आणि त्यांना उष्णता सहन करावी लागते. आज आम्ही तुम्हाला अशा काही टिप्स सांगणार आहोत ज्याच्या मदतीने तुम्ही दिवसभर एसी चालवू शकाल आणि तुमचे वीज बिल जास्त होणार नाही.
योग्य तापमान सेट करा
एसीचा संपूर्ण गेम टेम्परेचर सेटिंगचा असतो. जास्तीत जास्त वापरानंतरही वीज बिल कमी व्हावे असे वाटत असेल तर एसीच्या टेम्परेचर सेटिंगमध्ये थोडा बदल करा. किंबहुना प्रत्येक अंश तापमान वाढीमुळे सुमारे ६ टक्के विजेची बचत होते. अशा तऱ्हेने हवं तर तुम्ही एसी डिफॉल्ट टेम्परेचरवर ठेवू शकता, यामुळे २४ टक्क्यांपर्यंत विजेची बचत होईल. याशिवाय तुम्ही तुमच्या सोयीनुसार तापमान अॅडजस्टही करू शकता. तसे २४ अंश चांगले मानले जातात. यापेक्षा कमी तापमान टाळा.
सोबत पंख्याचा वापर फायदेशीर
एसीसोबत सीलिंग फॅन चालू ठेवल्यास तुमची बरीच बचत होऊ शकते. पंख्यामुळे एसीची थंड हवा संपूर्ण घरात वेगाने पसरते आणि लवकरच खोलीचे तापमान कमी होते. फक्त एसी चालू ठेवला तर बराच वेळ चालवल्यानंतरच संपूर्ण घराला थंडावा मिळतो. हवं असेल तर एसी चालवण्यापूर्वी काही वेळ पंखा चालू करा. त्याआधी रूममधली सगळी गरम हवा बाहेर पडेल आणि एसीमुळे खोली लवकर थंड होईल.
रेग्युलर स्वच्छता आणि सर्व्हिसिंग
एसीची नियमित साफसफाई आणि सर्व्हिसिंग देखील खूप महत्वाचे आहे. अनेकदा आपण पाहतो की, बराच वेळ चालल्यानंतरही एसीमुळे खोली थंड होत नाही. अशा वेळी विजेचा तितकाच खर्च होतो पण त्याचा काहीच फायदा होत नाही. हे सहसा एसी फिल्टरमध्ये घाण जमा झाल्यामुळे होते. याची नियमित साफसफाई केल्याने एसी व्यवस्थित राहते आणि घर लवकर थंड होते. त्याचबरोबर मध्ये मध्ये त्याची सर्व्हिसिंग करून घ्यायला विसरू नका.
रात्री टाइमर सेट करायला विसरू नका
रात्री एसी चालू ठेवण्याच्या सवयीमुळे भरपूर वीज खर्च होते. अनेकदा तुमच्या लक्षात आलं असेल की रात्री एसी चालू असल्यामुळे खूप थंडावा जाणवतो. अशा तऱ्हेने अनेकदा आळशीपणामुळे आपण लगेच ते बंद करायला उठत नाही. हे सर्व टाळण्यासाठी रात्री एसीमध्ये टाइमर सेट करा. असे केल्याने काही वेळाने तुमचा एसी आपोआप बंद होईल. त्यामुळे विजेची मोठी बचत होणार आहे.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
