Yoga Mantra: फुफ्फुसांचे आरोग्य कसे जपावे? ही ५ योगासने करतील मदत

सूर्यनमस्कराची पहिली क्रिया-

या प्रक्रियेत, सर्वप्रथम एक दीर्घ श्वास घ्या. आता हळूहळू तुमचे दोन्ही हात मागे घ्या. आणि ८ ते १० वेळा श्वास घ्या आणि श्वास सोडा, ही क्रिया ५ ते ७ वेळा पुन्हा करा. या आसनामुळे पोट, बरकड्या , फुफ्फुस आणि कमरेला फायदा होतो. रोगप्रतिकारशक्तीही वाढते. थायरॉईडमध्येही फायदा होतो. शिवाय आवाजातही सुधारणा होते.

सूर्यनमस्काराची सहावी क्रिया-

ही क्रिया करण्यासाठी सर्वप्रथम पोटावर झोपा आणि नंतर श्वास घेताना डोके वर उचला. जवळपास ८ ते १० सेकंद या स्थितीत श्वास रोखण्याचा प्रयत्न करा. नंतर श्वास सोडा आणि सामान्य स्थितीत या. या आसनामुळे फुफ्फुसांची काम करण्याची क्षमता वाढते आणि त्याच वेळी कमरेपासून मानेपर्यंतच्या स्नायूंना आराम मिळतो. श्वसनासाठी ही क्रिया फारच उत्तम आहे.

सिंहासन-

या योगासनात सिंहाप्रमाणे पोझ बनवा. दीर्घ श्वास घ्या आणि जीभ बाहेर काढा. आपले डोळे आणि तोंड पूर्णपणे उघडा आणि आपल्या घशातून सिंहाप्रमाणे गर्जना करण्याचा प्रयत्न करा. नंतर नाकाद्वारे श्वास घ्या. ही प्रक्रिया ८ ते १० वेळा पुन्हा करा. हे आसन केल्याने श्वसनमार्ग शुद्ध होऊन कार्यक्षमता वाढते. आणि फुफ्फस निरोगी राहण्यास मदत होते.

Yoga Mantra: छोट्या-छोट्या गोष्टी विसरता? स्मरणशक्ती वाढवण्यासाठी ३ योगासने करतील मदत

ताडासन-

या आसनात दीर्घ श्वास घेत, छाती आणि पोट विस्तृत करा आणि हात वरच्या दिशेने उंचवा आणि नंतर पायांच्या टाचांनादेखील वर उचला. या आसनात श्वास रोखून धरण्याचा प्रयत्न करा हे कमीत कमी ५-१० वेळा करा यामुळे फुफ्फुसांची क्षमता वाढते आणि रोगप्रतिकारक शक्तीदेखील वाढते. हे आसन फारच उपयुक्त आहे.

सूर्य भेदी प्राणायाम-

या आसनात एका ठिकाणी शांत बसून घ्या. त्यानंतर डोळे बंद करून डाव्या नाकपुडीतून श्वास घ्या, पोट आणि छाती शक्य तितक्या लांब करा, नंतर या नाकपुडीतून हळूहळू श्वास सोडा. ही क्रिया जवळपास १० ते १५ वेळा करा. हे आसनदेखील श्वसनासाठी चांगले आहे.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)