Health Tips: 'या' लोकांनी चुकूनही खाऊ नये वांग्याची भाजी, आरोग्यावर होतील वाईट परिणाम
Side effects of eating Brinjal: तुम्हाला माहित आहे का की, काही लोकांसाठी वांगी खूप हानिकारक देखील असू शकतात. या लेखाद्वारे आपण जाणून घेणार आहोत की वांगी कुणी खाऊ नयेत.
Which people should not eat eggplant: भारतीय खानपानात अशा काही भाज्या असतात ज्या दररोज बनवल्या तरी लोकांनां कंटाळा येत नाही. अशीच एक भाजी म्हणजे वांग्याची भाजी होय. वांगी सर्वात जास्त खाल्या जाणाऱ्या भाज्यांपैकी एक आहे. दररोज वांग्याचे विविध प्रकार आपल्या स्वयंपाकघरात बनत असतात. बहुतांश लोक वांग्याचे सेवन करतात. वांग्याची भाजी, वांग्याचे काप आणि वांग्याचे भरीत हे प्रकार लोकांना सर्वाधिक आवडतात. पण तुम्हाला माहित आहे का की, काही लोकांसाठी वांगी खूप हानिकारक देखील असू शकतात. या लेखाद्वारे आपण जाणून घेणार आहोत की वांगी कुणी खाऊ नयेत.
किडनीच्या समस्येने त्रस्त असलेले लोक-
वांग्याची भाजी प्रत्येकांच्या घरात बनते. आणि प्रत्येक लोक खातात. परंतु तज्ज्ञांच्या मते काही लोकांनी वांगी खाणे टाळलं पाहिजे. यामध्ये किडनीचा त्रास असणाऱ्यांनी वांगी खाऊ नयेत. कारण वांग्यात ऑक्सलेट असते ज्यामुळे किडनी स्टोन वाढू शकतो. किडनीची समस्या असणाऱ्यांनी वांगी खाणे बंद करावे.
प्रेग्नेंट महिलांनी खाऊ नये-
तज्ज्ञांच्या मते, प्रेग्नेंट महिलांनी वांगी खाऊ नयेत. गरोदरपणात महिलांची पचनसंस्था आणि रोगप्रतिकारक शक्ती अतिशय नाजूक बनते. अशा परिस्थितीत वांग्यातील काही घटक आणि हार्मोन्स गर्भवती महिलांसाठी हानिकारक ठरू शकतात. जर तुम्हाला वांगी खायची असतील तर आधी डॉक्टरांचा सल्ला घेऊन वांगी खाणे फायदेशीर ठरेल.
ॲलर्जी ग्रस्त लोक-
ॲलर्जीचा त्रास असलेल्या लोकांनी वांग्याचे सेवन करू नये. वांग्यातील काही प्रथिने आणि घटक ॲलर्जी वाढवू शकतात. अशा परिस्थितीत जर तुमच्या त्वचेवर आधीच पुरळ उठत असेल तर वांगी खाणे बंद करा. किंवा फारच कमी प्रमाणात खा. खासकरून डॉक्टरांचा सल्ला घेऊन खाल्लेले उत्तम.
ॲसिडिटीचा असलेले लोक-
ज्या लोकांना ॲसिडिटीचा त्रास आहे, त्यांनी वांग्याचे सेवन करू नये. कारण वांग्याचे सेवन पचनसंस्थेवर जड होऊ शकते. ज्यामुळे तुमची गॅस आणि ॲसिडिटीची समस्या वाढू शकते. त्यामुळे ज्यांना गॅस्ट्रिकचा त्रास आहे त्यांनी वांगी खाऊ नयेत.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. याबाबतीत संबंधित तज्ज्ञांचा सल्ला घ्यावा.)
संबंधित बातम्या