Health Tips: टॉयलेट सीटवर बसण्याची योग्य पद्धत कोणती? फॉलो न केल्यास आरोग्यावर होतील गंभीर परिणाम
correct way to sit on toilet: काही लोकांना भारतीय शौचालय आरामदायक वाटते तर काहींना वेस्टर्न पॉट अधिक चांगले वाटते. तुम्ही कोणत्याही प्रकारचे टॉयलेट पॉट वापरत असाल तरी तुम्ही काही गोष्टी लक्षात ठेवाव्यात.
How to sit on western toilet: सकाळी उठल्याबरोबर शौचास जाणे हे दिवसाचे सर्वात महत्वाचे काम आहे. जर तुम्ही ते योग्य रीतीने केले नाही तर, तुम्ही दिवसभर बेचैन राहू शकता. हळूहळू ही समस्या बद्धकोष्ठतेमध्ये देखील बदलू शकते. जी नंतर मूळव्याध आणि फिशरचे रूप घेऊ शकते. हे इतके महत्त्वाचे असूनही, बहुतेक लोकांना ते करण्याची योग्य पद्धत माहित नाही.काही लोकांना भारतीय शौचालय आरामदायक वाटते तर काहींना वेस्टर्न पॉट अधिक चांगले वाटते. तुम्ही कोणत्याही प्रकारचे टॉयलेट पॉट वापरत असाल तरी तुम्ही काही गोष्टी लक्षात ठेवाव्यात. आहारतज्ज्ञांनी शौचालयाला बसण्याची योग्य पद्धत सांगितली आहे. ज्याला स्क्वॅटी पॉटी म्हणतात.
टॉयलेट सीटवर बसण्याची योग्य पद्धत-
गुडघे नितंबापेक्षा वरच्या बाजूला हवे-
भारतीय शौचालये शौचासाठी चांगली स्थिती देतात, तर पाश्चात्य शौचालये शौचास नैसर्गिक स्थिती प्रदान करत नाहीत. त्यामुळे जेव्हा जेव्हा तुम्ही वेस्टर्न पॉट वापरता तेव्हा पायाखाली स्टूल ठेवण्याचा सल्ला आहारतज्ज्ञांनी दिला आहे. जेणेकरून तुमचे गुडघे नितंबांच्या थोडे वर येतील.
हातांची स्थिती-
पोट साफ करताना, कंबर सरळ ठेवू नये. त्यामुळे मल सहजासहजी बाहेर पडत नाही. तुमची कंबर थोडी पुढे वाकवा आणि तुमची कोपर गुडघ्यांच्या वर ठेवा. टॉयलेट सीटवर बसण्याचा हा सर्वोत्तम मार्ग आहे.
पोट रिलॅक्स ठेवा-
आहारतज्ञांच्या मते, पोट घट्ट झाल्यामुळे मल जाण्यास त्रास होऊ शकतो. त्यामुळे पोटावर दबाव येतो आणि इतर समस्या निर्माण होऊ शकतात. तुमचे पोट पूर्णपणे आरामशीर आणि बाहेरच्या दिशेने तोंड करून ठेवा. यामुळे आतडे त्यांचे काम व्यवस्थित करतील आणि घाण सहज बाहेर पडेल.
पाठीचा कणा वाकवू नका-
कंबर पुढे वाकवताना पाठीचा कणा वाकवू नका. पाठीचा कणा सरळ ठेवा, म्हणजे पोटावर दबाव येणार नाही. हे तुमचे पेल्विक स्नायू शिथिल ठेवेल आणि मल बाहेर काढण्यासाठी योग्य कोन प्रदान करेल.
*शौचालायस जास्त वेळ किंवा चुकीच्या पद्धतीने बसण्याचे गंभीर परिणाम-
रक्तवाहिन्यांमध्ये सूज येणे-
जास्त वेळ टॉयलेटमध्ये बसल्यास किंवा चुकीच्या पद्धतीने बसल्यास पाठीवर जास्त दाब येतो. यामुळे रक्तवाहिन्यांना सूज येऊ शकते. यामुळे तुम्हाला मूत्राशयाचा त्रासही होऊ शकतो.
स्नायू कमकुवत होतात-
टॉयलेट सीटवर जास्त वेळ किंवा चुकीच्या पद्धतीने बसल्यामुळे पाठीचे आणि खालच्या पोटाचे स्नायू सैल होऊ लागतात. यामुळे नितंब आणि पायांचे स्नायू कमकुवत होऊ शकतात. त्यामुळे १० मिनिटांपेक्षा जास्त वेळ टॉयलेटमध्ये बसू नये.
मूळव्याध-
तज्ज्ञांच्या मते, जे लोक टॉयलेट सीटवर जास्त वेळ तसेच चुकीच्या पद्धतीने बसतात त्यांना मुळव्याध होण्याचा धोका जास्त असतो. वास्तविक, टॉयलेट सीटवर बसल्याने पाठीच्या खालच्या स्नायूंवर ताण येतो, ज्यामुळे मूळव्याध होतात. टॉयलेट सीटवर जास्त वेळ बसल्याने देखील तीव्र वेदना आणि सूज येऊ शकते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या