Peanut Benefits : गरिबांचे बदाम! वजन कमी करतील, मधुमेह दूर ठेवतील; शेंगदाण्याचे ‘हे’ फायदे वाचलेत का?
Health benefits of peanuts: कॅलरीजास्त असूनही शेंगदाणे वजन कमी करण्यास मदत करतात. चला तर मग, जाणून घेऊया शेंगदाण्याचे नियमित सेवन केल्याने आरोग्यास कोणते फायदे होतात.
Health benefits of peanuts : भारतात शेंगदाण्याला गरिबांचे बदाम म्हटले जाते. शेंगदाण्यामध्ये असलेले पोषक घटक व्यक्तीच्या संपूर्ण आरोग्यास प्रोत्साहन देण्याचे काम करतात. हेच कारण आहे की लोक आपली क्षुल्लक भूक भागविण्यासाठी टाइम पास स्नॅक म्हणून शेंगदाणे खाणे पसंत करतात. यामध्ये असलेल्या पोषक तत्वांबद्दल बोलायचे झाले, तर शेंगदाण्यामध्ये व्हिटॅमिन ई, फॅट्स, प्रथिने, फायबर, पोटॅशियम, व्हिटॅमिन बी, मॅग्नेशियम आणि फॉस्फरस असते. ज्यामुळे आरोग्याला अनेक फायदे होतात. इतकंच नाही तर कॅलरीज जास्त असूनही शेंगदाणे वजन कमी करण्यास ही मदत करतात. चला तर मग जाणून घेऊया शेंगदाण्याचे नियमित सेवन केल्याने आरोग्यास कोणते फायदे होतात.
मधुमेह
शेंगदाणे हे कमी ग्लाइसेमिक असणारे अन्न आहे. याचे सेवन केल्याने रक्तातील साखर नियंत्रणात राहते. बऱ्याच संशोधनानुसार, शेंगदाणे खाल्ल्याने महिलांमध्ये टाइप २ मधुमेहाचा धोका कमी होतो. शेंगदाण्यामध्ये असलेले कॅल्शियम, फॉस्फरस, मॅंगनीज आणि कार्बोहायड्रेट्स शरीरातील रक्तातील साखर नियंत्रित करण्यास मदत करतात, ज्याचा फायदा मधुमेहाच्या रुग्णांना होऊ शकतो.
वजन कमी होते
शेंगदाण्याचे नियमित सेवन केल्यास निरोगी वजन राखण्यास मदत होते. बऱ्याच अभ्यासानुसार असे दिसून आले आहे की, जे लोक आठवड्यातून कमीतकमी दोनदा शेंगदाणे खातात त्यांना लठ्ठपणाचा धोका कमी असतो. सकाळी ब्रेडसोबत शेंगदाणा बटर खाल्ल्याने दिवसभरात वारंवार होणाऱ्या भुकेवर नियंत्रण ठेवता येते. शेंगदाण्यामध्ये असलेले फायबर आणि प्रथिने वजन कमी करण्यास मदत करतात.
Diabetes Care: रक्तातील साखर वाढल्यास पुरुषांमध्ये दिसतात वेगळी लक्षणे, 'हे' संकेत दिसताच व्हा सावध
सूज कमी करते
शेंगदाण्यामध्ये आढळणारे ओमेगा-६ फॅटी अॅसिड, लिनोलिक अॅसिड आणि इतर घटक शरीरातील जळजळ आणि सूज कमी करण्यास मदत करतात. याशिवाय शेंगदाण्यामध्ये असलेले फायबर शरीरातील जळजळ कमी करण्यास आणि पचनसंस्था ही चांगली ठेवण्यास मदत करतात.
त्वचेसाठी फायदेशीर
शेंगदाण्यामध्ये असलेले फॅटी अॅसिड त्वचेच्या आजारांपासून संरक्षण करतात. तर, यामध्ये असलेले फायबर शरीराला आतून डिटॉक्सिफाई करून त्वचेशी संबंधित समस्या दूर करण्यास मदत करते.
सर्दी खोकल्यावर गुणकारी
शेंगदाणे सर्दी-खोकला दूर करण्यास मदत करतात. शेंगदाण्यामध्ये असलेले व्हिटॅमिन सी रोगप्रतिकारशक्ती वाढवण्याचे काम करते. ज्यामुळे शरीराला संसर्गाशी लढण्याची शक्ती मिळते. याशिवाय शेंगदाण्याचा प्रभाव गरम असतो, ज्यामुळे शरीर उबदार राहते. शेंगदाण्यामध्ये असलेले प्रथिने, जीवनसत्त्वे, खनिजे, अँटीऑक्सिडंट्स आणि फायबर शरीराला आतून उबदार ठेवतात. याच्या रोजच्या सेवनाने फुफ्फुसे मजबूत होतात आणि सर्दी, खोकला, सर्दीपासून व्यक्तीचे संरक्षण होते.
