Health Tips: ॲसिडिटीमुळे रात्री नीट झोप लागत नाही का? काळजी सोडा आणि या टिप्स फॉलो करा
Tips for Good Sleep: अनेक वेळा रात्री छातीत जळजळ होते. त्यामुळे शांत झोप लागत नाही. तुम्हाला सुद्धा अशी समस्या असेल तर या टिप्स तुमच्यासाठी उपयुक्त आहेत.
Tips to Get Rid of Acidity: तुम्हाला रात्री झोपायच्या वेळी अस्‍वस्‍थ वाटते का, ज्‍यामुळे पुरेशी झोप मिळत नाही? तर मग, तुम्‍ही एकटे नाहीत. झोप पूर्ण न होणाऱ्या व्‍यक्‍तींच्‍या आकडेवारी संदर्भात भारत जगातील दुसऱ्या क्रमांकाचा देश आहे आणि सर्वेक्षणामधून निदर्शनास येते की, ९३ टक्‍के भारतीयांना झोपेची कमतरता जाणवते. अनेकांसाठी अॅसिड रिफ्लक्‍समुळे घसा किंवा छातीमध्‍ये जळजळ झाल्‍याने झोपमोड होते. गॅस्ट्रोएोफेजल रिफ्लक्‍स डिसीज (जीईआरडी) किंवा क्रोनिक अॅसिड रिफ्लक्‍सचा जवळपास ८ टक्‍के व ३० टक्‍के भारतीयांवर परिणाम होतो. ज्‍यामुळे झोपमोड होऊ शकते किंवा झोपेचा दर्जा खराब होऊ शकतो.
अॅबॉट इंडियाच्‍या मेडिकल अफेअर्सचे संचालक डॉ. जेजो करणकुमार सांगतात, ''अॅसिडीटीचा व्‍यक्‍तीच्‍या दैनंदिन जीवनासह झोपेच्‍या दर्जावर मोठा परिणाम होऊ शकतो. अपुऱ्या झोपेमुळे अॅसिड रिफ्लक्‍स, तसेच थकवा, चिडचिड आणि लक्ष न लागणे असा त्रास होऊ शकतो.'' अँटासिड्स सिरप्‍स व चघळता येणाऱ्या गोळ्यांसह विविध फ्लेवर्स व प्रकारांमध्‍ये उपलब्‍ध आहेत, ज्‍यामुळे कूलिंग प्रभाव मिळतो आणि गॅस्ट्रिक अॅसिडीटीची लक्षणे कमी होतात.
अॅसिड रिफ्लक्‍सचा त्रास असताना उत्तम झोप मिळण्‍यासाठी या टिप्स फॉलो करा
झोपेची स्थिती सुधारा
छातीत जळजळ होणे कमी करण्यासाठी तुमची झोपण्‍याची पद्धत देखील महत्त्वाची आहे. अतिरिक्‍त उशी घेत डोके किंवा शरीराचा वरचा भाग उंचावल्‍याने, तसेच डाव्‍या कुशीवर झोपल्‍याने मदत होऊ शकते. दरम्‍यान, लक्षात ठेवा की पाठीवर झोपल्‍याने अॅसिड रिफ्लक्‍सचा त्रास होऊ शकतो.
झोपेचे नियोजन करा
दररोज झोपण्‍याची वेळ आणि सकाळी उठण्‍याची वेळ समान असली पाहिजे. यामुळे शरीरातील अवयवांचे कार्य सुरळीत होण्‍यास मदत होते, झोपेचा दर्जा उत्तम होतो.
गरज असल्‍यास डॉक्‍टरांचा सल्ला घ्या
तुम्हाला सतत गॅस्ट्रिक अॅसिडीटीचा त्रास होत असेल तर वैयक्तिक मार्गदर्शन आणि उपचार पर्यायांसाठी डॉक्‍टरांचा सल्ला घ्या. ते उपयुक्त जीवनशैली बदल किंवा औषधोपचारांची शिफारस करू शकतात. ज्‍यामुळे तुम्‍ही अॅसिडीटीचे व्‍यवस्‍थापन करण्‍यासोबत झोपेचा दर्जा सुधारू शकता.
या टिप्‍सचे पालन करत आणि अॅसिडीटी वाढवणाऱ्या घटकांवर नियंत्रण ठेवत तुम्‍ही रात्रीच्‍या वेळी आरामदायी, उत्‍साहपूर्ण झोपेचा आनंद घेऊ शकता. ज्‍यामुळे सकाळी उठल्‍यानंतर फ्रेश वाटेल आणि तुम्‍ही दिवसभरातील कामासाठी उत्‍साहाने सुसज्‍ज असाल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
