Health Tips: कांदा आणि दही एकत्र खाताय? लगेच थांबवा, आरोग्यावर होतात वाईट परिणाम

यामुळे तुम्हाला पचनाच्या समस्येला सामोरे जावे लागू शकते. आयुर्वेदानुसार कांदा आणि दही या दोन्हींच्या वेगवेगळ्या गुणधर्मांच्या प्रभावामुळे हे घडते. कांद्याचा प्रभाव उष्ण असतो, तर दहीचा प्रभाव थंड असतो. याशिवाय कांद्यामध्ये सल्फर संयुगे असतात. ज्यामुळे दहीमध्ये असलेल्या कॅल्शियमसारख्या पोषक द्रव्यांच्या शोषणात अडथळा येऊ शकतो. चला तर मग जाणून घेऊया दही आणि कांदा एकत्र खाण्याचे काय तोटे आहेत.

कांदा आणि दही एकत्र खाल्ल्याने आरोग्याला अशी हानी पोहोचते-

१) गॅस्ट्रिक समस्या-

कांद्यामध्ये असलेले अनेक संयुगे ॲसिडिटी आणि गॅस्ट्रिक समस्या निर्माण करू शकतात. आम्ही तुम्हाला सांगतो की, जवळपास असाच परिणाम दह्यामध्येही दिसून येतो. अशा परिस्थितीत, दोन्ही एकत्र सेवन केल्याने गॅस्ट्रिक, पोट फुगणे आणि अपचनाचा त्रास होऊ शकतो.

२) शरीराचे नैसर्गिक तापमान वाढू शकते-

दह्याचे स्वरूप थंड असते, तर कांद्याचे स्वरूप गंधकामुळे गरम असते. कांदा आणि दह्याचे एकत्र सेवन केल्याने शरीरात जास्त उष्णता निर्माण होते. ज्यामुळे विषारी पदार्थांचे प्रमाण वाढते. ज्यामुळे त्वचेवर पुरळ, एक्जिमा, सोरायसिस आणि इतर त्वचेची ऍलर्जी होऊ शकते.

Health Tips: जास्त वेळ लघवी रोखून धरता? लगेच थांबवा, किडनी खराब होण्यापासून होऊ शकतात गंभीर आजार

३) पचनाच्या समस्या-

दही आणि कांदा एकत्र खाल्ल्याने पचनास त्रास होऊ शकतो. दह्यात प्रोबायोटिक्स असतात. तर कांद्यामध्ये सल्फर संयुगे असतात. या दोन्हींचे एकत्र सेवन केल्याने पचनाशी संबंधित समस्या उद्भवू शकतात.

४)स्किन ऍलर्जी-

दह्यात कांदा मिसळून खाल्ल्याने निर्माण होणारे असंतुलन शरीरात अतिरिक्त उष्णता निर्माण करते. ज्यामुळे शरीरातील विषारी पदार्थांची पातळी वाढते. हे त्वचेसाठी ऍलेर्जेटिक मानले जाते. यामुळे पुरळ, एक्जिमा आणि काही प्रकरणांमध्ये सोरायसिससारख्या त्वचेची ऍलर्जी होते. त्याचे परिणाम गंभीर असल्यास यामुळे अन्नातून विषबाधा देखील होते.

* दही आणि कांदा कशाप्रकारे मिक्स करावा?

कांदा भाजून घेतल्याने त्यांची शक्ती कमी होते. अशावेळी तुम्ही कांदा तळून दह्यात मिसळू शकता. असे केल्याने आपण आपले दही आणि कांदा एकत्र खाण्याची लालसा दूर करण्याबरोबरच आरोग्याशी संबंधित दुष्परिणाम टाळू शकाल.

World Lung Day 2024: शरीरात होणारे हे बदल असू शकतात फुफ्फुसे खराब होण्याची लक्षणे, वेळीच ओळखा

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)