Health Tips: तुम्हीही बाटलीला तोंड लावून पाणी पिता? आरोग्यावर होतात गंभीर परिणाम, वाचा योग्य पद्धत
How to drink water: जर तुमची पाणी पिण्याची पद्धत योग्य नसेल तर हे पाणी अनेक आजारांचे कारण बनू शकते.
Disadvantages of drinking water from a bottle: पाणी आपल्या शरीरासाठी किती महत्त्वाचे आहे हे वेगळं सांगण्याची गरज नाही. एखादी व्यक्ती अन्न न खाल्ल्याशिवाय तास घालवू शकते. परंतु पाण्याशिवाय त्याची प्रकृती थोड्याच वेळात खराब होते. तथापि, जर तुम्ही स्वच्छ पाणी प्यायले तर ते तुमच्या आरोग्यासाठी प्रत्येक दृष्टीकोनातून खूप फायदेशीर आहे. पण जर तुमची पाणी पिण्याची पद्धत योग्य नसेल तर हे पाणी अनेक आजारांचे कारण बनू शकते. आता लोकांची ही एक सवय बघा. पाण्याच्या बाटलीला तोंड लावून पाणी पिणारे अनेक जण आहेत. ही सवय सामान्य वाटू शकते परंतु तिचे काही नकारात्मक दुष्परिणाम देखील होऊ शकतात. चला तर मग आज याबद्दल बोलूया.
बॅक्टेरिया वाढू शकतात-
बाटलीला तोंड लावून पाणी पिण्याचे अनेक नुकसान होऊ शकतात. यातील सर्वात मोठा तोटा म्हणजे असे केल्याने संसर्गाचा धोका वाढतो. खरे तर कोणी बाटलीत तोंड घालून पाणी पितो तेव्हा त्याची लाळ बाटलीला चिकटते. त्यामुळे अनेकदा त्यात बॅक्टेरिया वाढू लागतात. आता त्याच बाटलीतून पुन्हा पाणी प्यायल्यावर हे बॅक्टेरिया शरीरात जातात. जे आरोग्यासाठी हानिकारक ठरू शकतात.
एकाच वेळी पाणी पिणे देखील धोकादायक आहे-
बाटलीतील पाणी एक एक घोट पिण्याऐवजी ते अनेकदा लोक एकाच श्वासात भरपूर पाणी पितात. जे आरोग्यासाठी चांगले नाही. एकाच वेळी भरपूर पाणी प्यायल्याने ते घशात अडकू शकते. याशिवाय असे करणे पोटासाठीही चांगले नाही. यामुळे पोट खराब होऊ शकते. म्हणूनच नेहमी ग्लासमधून पाणी पिणे चांगले आहे, एक एक घोट करून.
पाणी पिण्याची योग्य पद्धत जाणून घ्या-
शरीराला हायड्रेट ठेवण्यासाठी दिवसभरात पुरेसे पाणी पिणे गरजेचे आहे. पण एकदाच जास्त पाणी पिऊ नये. पाणी नेहमी ग्लासमध्ये घ्यावे आणि घोट घोट मध्ये प्यावे. प्रत्येक तासाला थोड्या थोड्या प्रमाणात पाणी प्यायला हवे. याशिवाय पाणी नेहमी बसून प्यावे. शक्य असल्यास, फक्त कोमट पाणी प्या, ते पोटासाठी चांगले आहे. जर तुम्ही पाणी पिण्यासाठी बाटली वापरत असाल तर ती नियमितपणे स्वच्छ करत रहा. तुमचे बाटलीतील पाणी इतर कोणाशीही शेअर करणे टाळा आणि इतर कोणाचेही उष्टे पाणी पिऊ नका. तसेच बाटलीत जास्त वेळ पाणी ठेवू नका.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
संबंधित बातम्या