मराठी बातम्या  /  लाइफस्टाइल  /  Health Care Tips: एसीचे किती तापमान शरीरासाठी आहे योग्य? जाणून घ्या कसे वाचवायचे पैसे

Health Care Tips: एसीचे किती तापमान शरीरासाठी आहे योग्य? जाणून घ्या कसे वाचवायचे पैसे

Jun 12, 2024 08:10 PM IST

AC Temperature: एसीमुळे उन्हापासून आराम मिळतो, पण काही गोष्टी लक्षात ठेवल्या तर आरोग्य, प्रकृती आणि पैशांची बचत होण्यास मदत होईल

आरोग्यासाठी एसीचे योग्य तापमान
आरोग्यासाठी एसीचे योग्य तापमान (unsplash)

Right Temperature of Ac for Health:  वाढत्या तापमानात घर असो वा ऑफिस एसीमध्ये राहायला सगळ्यांनाच हवेहवेसे असते. उष्णतेपासून आराम मिळवण्यासाठी एसी उत्तम असले तरी अनेक वेळा सतत एसीमध्ये राहणे आरोग्यासाठी हानिकारक असल्याचे तुम्ही ऐकले असेल. घरांमध्ये एसीच्या तापमानाला घेऊन अनेक वेळा चर्चा, वाद होत असतात. ज्यांना खूप गरम वाटते त्यांना तापमान शक्य तितके कमी ठेवायचे असते. त्याच वेळी काही लोकांचे शरीर कमी तापमान सहन करू शकत नाही. एसीचे किती तापमान आपल्या शरीरासाठी आणि खिशासाठी सर्वोत्तम असते हे तुम्हाला माहिती आहे का? म्हणजेच एसीच्या किती तापमानात तुम्ही वीज बिलाची बचत करू शकता. एसी वापरताना, त्याचे तापमान सेट करताना या गोष्टी लक्षात ठेवा.

पैसे वाचतील

एसीचे आदर्श तापमान काय असावे यावर प्रत्येकाचे वेगळे मत असू शकते. यापूर्वी ऊर्जा मंत्रालयाकडून एक कोट आले होते की एसीचे तापमान १८ ते २१ ऐवजी २४ अंशांवर ठेवल्यास २४ टक्क्यांपर्यंत ऊर्जा बचत होऊ शकते. यामुळे तुमच्या पर्यावरणाला कमी नुकसान होते. तुम्ही तुमच्या एसीच्या बिलात पैसेही वाचवू शकता. एसीचे तापमान कमी ठेवल्यास त्याचा कंप्रेसरही जास्त काळ टिकेल.

ट्रेंडिंग न्यूज

आरोग्यासाठी काय चांगले आहे

आरोग्याच्या दृष्टिकोनातून, मानवाचे सामान्य तापमान ३६-३७ अंश सेल्सिअस असते. जर तुम्ही तापमान २४ अंशांवर ठेवले तर ते तुमच्या शरीराच्या तापमानाच्या जवळ असते. भारतातील लोकांसाठी हे हेल्दी तापमान आहे. तज्ज्ञांच्या मते मानवी शरीराला २४ ते २५ अंश तापमानात आरामदायी वाटते.

ह्युमिडिफायर ठेवा

एसीमध्ये जास्त वेळ बसल्यास त्वचा, केस आणि डोळ्यांनाही कोरडेपणाची समस्या निर्माण होते. अशा परिस्थितीत खोलीत ह्युमिडिफायर ठेवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel
विभाग