Walnut Oil Benefits : अक्रोडच नव्हे, तर अक्रोडाचे तेलही आहे शरीरासाठी गुणकारी! वाचा याचे ५ मोठे फायदे
Health Benefits Of Walnut Oil : अक्रोड तेल रक्तातील साखरेची पातळी कमी करण्यास आणि कॅलरी बर्न करण्यास मदत करते. चला जाणून घेऊया याचे आणखी काही विशेष फायदे...
Health Benefits Of Walnut Oil : अक्रोड ज्याप्रमाणे आपल्या आरोग्यासाठी फायदेशीर आहे. त्याचप्रमाणे अक्रोडाचे तेल देखील शरीरासाठी अतिशय गुणकारी आहे. अक्रोडाचे तेल हृदयाचे आरोग्य चांगले ठेवण्यास आणि रक्तातील साखरेची पातळी कमी करण्यास मदत करू शकतात. अक्रोड हा फॅटी ऍसिडचा देखील समृद्ध स्त्रोत देखील आहे. यामुळे शरीराचा दाह देखील कमी होतो. यामुळे आपल्या रोजच्या आहारात देखील या तेलाचा समावेश करायला हवा. मात्र, याचे काही दुष्परिणाम देखील आहेत. हे तेल जास्त प्रमाणात सेवन केल्यास वजन वाढणे आणि पचन समस्या देखील निर्माण होऊ शकतात. अक्रोड तेल, अत्यावश्यक फॅटी ऍसिडस् आणि अँटिऑक्सिडंट्सचा समृद्ध स्रोत, आपल्या एकूण आरोग्यासाठी, त्वचेसाठी आणि केसांसाठी असंख्य फायदे देणारा आहे.
हृदयाच्या आरोग्यासाठी चांगले
अक्रोड तेल तुमच्या आहारातील एक पौष्टिक घातक बनू शकते. हे तेल हृदय व रक्तवाहिन्यासंबंधी आरोग्य संतुलित राखण्यास मदत करते. त्यात अल्फा-लिनोलेनिक ऍसिड (एएलए), एक ओमेगा-३ फॅटी ऍसिडची उच्च पातळी असते, जे चांगल्या हृदयाच्या आरोग्यासाठी आवश्यक आहे.
मेंदूच्या आरोग्यास प्रोत्साहन देते
अक्रोडचे तेल मेंदूचे आरोग्य राखण्यासाठी देखील महत्त्वपूर्ण भूमिका बजावते. त्यात असलेले अल्फा-लिनोलेनिक ऍसिड (एएलए) मेंदूच्या कार्यासाठी, संज्ञानात्मक क्षमता, स्मरणशक्ती आणि मूडसाठी अतिशय आवश्यक आहे. अक्रोड तेलाचे नियमित सेवन केल्याने स्मरणशक्ती वाढण्यास मदत होऊ शकते. याव्यतिरिक्त, या तेलातील अँटिऑक्सिडंट्स मेंदूच्या पेशींचे नुकसान होण्यापासून संरक्षण करण्यास मदत करू शकतात, ज्यामुळे अल्झायमर रोग आणि स्मृतिभ्रंश यांसारख्या न्यूरोडीजनरेटिव्ह रोगांचा धोका कमी होतो.
Sesame Oil: दररोज हाताच्या तळव्यांवर चोळा तिळाचे तेल, फायदे वाचून बसणार नाही विश्वास
रक्तातील साखरेची पातळी कमी करते
अक्रोडाचे तेल हे मधुमेहाच्या आहारात एक मौल्यवान औषध आहे. त्यात पॉलिफेनॉल, बायोएक्टिव्ह हे घटक असतात, जे इंसुलिनची संवेदनशीलता वाढवतात. इन्सुलिन हे रक्तातील साखरेची पातळी नियंत्रित करण्यासाठी मदत करणारे हार्मोन आहे. इंसुलिनची पातळी सुधारून अक्रोड तेल तुमच्या शरीराला ग्लुकोजचा अधिक प्रभावीपणे वापर करण्यास मदत करू शकते, ज्यामुळे रक्तातील साखरेचे प्रमाण वाढू शकते. यामुळे रक्तातील साखर नियंत्रित होऊ शकते. यामुळे मधुमेहाशी संबंधित गुंतागुंत, जसे की हृदयरोग, मज्जातंतूंचे नुकसान आणि मूत्रपिंडाचा आजार होण्याचा धोका कमी होतो.
वजन कमी करण्यास मदत होते
अक्रोडाचे तेल योग्य प्रमाणात वापरल्यास, तेल वजन संतुलित राखण्यास मदत करू शकते. अक्रोड तेलातील निरोगी चरबी तुमचे पोट बराच काळ भरलेली ठेवू शकतो. त्यामुळे तुमच्या शरीरातील एकूण कॅलरीजचे प्रमाण कमी होते. वजन कमी करण्याचा किंवा निरोगी वजन राखण्याचा प्रयत्न करणाऱ्या व्यक्तींसाठी हे विशेषतः फायदेशीर ठरू शकते.
शरीर हायड्रेट करते
अक्रोड तेल तुमच्या त्वचेसाठी देखील फायदेशीर ठरू शकते. स्किनकेअर रूटीनमध्ये देखील या तेलाचा समावेश केला जाऊ शकतो. हे तेल नैसर्गिक मॉइश्चरायझर म्हणून काम करते, तुमच्या त्वचेतील ओलावा भरून काढण्यास आणि तो टिकवून ठेवण्यासाठी मदत करते. कोरड्या किंवा संवेदनशील त्वचेसाठी हे विशेषतः फायदेशीर ठरू शकते, कारण हे तेल त्वचेला थंड ठेवण्यास आणि पोषण देण्यास मदत करते. यामुळे कोरडेपणा आणि त्वचेची जळजळ कमी करते.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
