Benefits Of Green Chilli: हाय हाय मिरची... वजन नियंत्रणासोबतच मधुमेहावर गुणकारी हिरवी मिरची! वाचा फायदे
Health Benefits Of Green Chilli: हिरव्या मिरचीमध्ये कॅप्सेसिन आणि अँटीओबेसिटी हे गुणधर्म आढळतात, ज्यामुळे शरीरातील फॅट बर्न करण्यात मदत होते. यामुळे वजन झपाट्याने कमी होण्यास मदत होते. दररोज आपल्या आहारात हिरव्या मिरचीचा समावेश केल्याने आरोग्यासाठी कोणते आश्चर्यकारक फायदे होतात हे जाणून घेऊया...
Health Benefits Of Green Chilli: बहुतेक लोक जेवणाची चव आणि चटपटीतपणा वाढवण्यासाठी स्वयंपाकात हिरव्या मिरचीचा वापर करतात. आरोग्याच्या दृष्टिकोनातून लाल मिरचीपेक्षा हिरवी मिरची अधिक फायदेशीर मानली जाते. जर, आपण हिरव्या मिरचीमध्ये असलेल्या पोषक तत्वांबद्दल जाणून घेतले तर, हिरव्या मिरचीमध्ये व्हिटॅमिन-ए, व्हिटॅमिन-सी, लोह, पोटॅशियम आणि मॅग्नेशियम यांसारखे अनेक आवश्यक पोषक घटक आढळतात, ज्याचा शरीराला अनेक प्रकारे फायदा होतो. जर, आपण हृदयाच्या आरोग्याबद्दल बोललो, तर हिरव्या मिरचीमध्ये असलेले कॅप्सेसिन नावाचे एक संयुग हृदयाचे आरोग्य चांगले ठेवण्यास मदत करते. दररोज आपल्या आहारात हिरव्या मिरचीचा समावेश केल्याने आरोग्यासाठी कोणते आश्चर्यकारक फायदे होतात हे जाणून घेऊया...
Heatwave Asthama: उष्णतेच्या तीव्र लाटेमुळे उद्भवू शकते दम्याची समस्या! ‘अशी’ घ्या स्वतःची काळजी
हिरवी मिरची खाण्याचे फायदे
मधुमेह: मधुमेहाच्या रुग्णांना निरोगी राहण्यासाठी खाण्यापिण्याच्या सवयींची खूप काळजी घ्यावी लागते. पण तुम्हाला माहीत आहे का, ही छोटी दिसणारी हिरवी मिरची मधुमेहावर नियंत्रण ठेवण्यासही मदत करू शकते, ज्यामुळे अनेक गंभीर आजार होतात. खरं तर, मिरचीमध्ये असलेले कॅप्सेसिन रसायन इन्सुलिन स्रावला प्रोत्साहन देते, ज्यामुळे रक्तातील ग्लुकोजची पातळी नियंत्रित राहू शकते. मात्र, मधुमेहाच्या रुग्णांनी हिरवी मिरची खाण्यापूर्वी डॉक्टरांचा सल्ला जरूर घ्यावा.
लोहाची कमतरता: शरीरात लोहाच्या कमतरतेमुळे, व्यक्तीला अशक्तपणा आणि थकवा जाणवू लागतो. अशा परिस्थितीत हिरवी मिरची लोहाच्या कमतरतेवर मात करण्यास मदत करू शकते. हिरवी मिरची लोहाचा नैसर्गिक स्रोत आहे, ज्याचे नियमित सेवन केल्यास शरीरातील लोहाची कमतरता दूर होण्यास मदत होते.
Anxiety Attack: रात्रीची झोप खराब करू शकते एंग्जायटीची समस्या, या मार्गांनी करा स्वतःला शांत
लठ्ठपणा: तुम्हाला हे ऐकून आश्चर्य वाटेल, पण हे खरे आहे की हिरवी मिरची तुमची लठ्ठपणाची समस्या कमी करण्यासही मदत करते. हिरव्या मिरचीमध्ये कॅप्सेसिन आणि अँटीओबेसिटी गुणधर्म आढळतात, ज्यामुळे चरबी जाळण्यास मदत होते. ज्यामुळे वजन झपाट्याने कमी होण्यास मदत होते.
हृदयाचे आरोग्य: हिरवी मिरची मर्यादित प्रमाणात खाणे हृदयाच्या रुग्णांसाठी फायदेशीर आहे. अनेक संशोधनातून असे समोर आले आहे की, हिरवी मिरची खाल्ल्याने शरीरात जमा झालेले वाईट कोलेस्ट्रॉल कमी होऊ शकते. त्यामुळे रक्तदाब नियंत्रणात राहतो आणि हृदयविकाराचा धोका बऱ्याच अंशी कमी होऊ शकतो.
प्रतिकारशक्ती: हिरव्या मिरचीमध्ये बीटा कॅरोटीन आणि व्हिटॅमिन सी जास्त प्रमाणात असते. बीटा कॅरोटीन एक शक्तिशाली अँटिऑक्सिडेंट आहे, जो रोगप्रतिकारक शक्ती वाढवू शकतो. तर, व्हिटॅमिन-सी रोगांशी लढण्याची क्षमता वाढवण्यासही मदत करते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या