Green Chilli Benefits: लठ्ठपणापासून हृदयाच्या आरोग्यापर्यंत; जाणून घ्या हिरवी मिरची खाण्याचे फायदे!

डेली मेलमध्ये प्रसिद्ध झालेल्या वृत्तानुसार, मिरची खाण्याचे अनेक फायदे आहेत. चीनमधील गुआंग्शी मेडिकल युनिव्हर्सिटीमध्ये नुकत्याच झालेल्या एका अभ्यासात असे समोर आले आहे की, मिरची खाल्ल्यानंतर सुमारे २० टक्के लोकांनी हृदयाच्या रक्तवाहिन्यांमध्ये अडथळा येण्याची समस्या कमी झाल्याचे सांगितले आहे. सुमारे ५० हजार लोकांनी या टेस्टमध्ये सहभाग घेतला. त्यानुसार, मिरची लठ्ठपणा कमी करण्यासही मदत करू शकते. शिमला मिरची, लाल मिरची आणि हिरवी मिरची नियमित खाणाऱ्यांना हृदयविकारात आराम मिळतो आणि त्यांना रक्ताच्या गुठळ्या होण्याची समस्याही कमी होते. आठवड्यातून दोन-तीन दिवस मसालेदार पदार्थ खाणाऱ्यांनाही याचा फायदा होतो.

Tea Side Effects: पोटात सूज येणे, अ‍ॅसिडिटी, गॅस आणि...; अति उकळलेला दुधाचा चहा आरोग्यासाठी घातक!

हिरवी मिरची खाण्याचे इतर फायदे

• रोगप्रतिकारक शक्ती वाढण्यास मदत: हिरव्या मिरचीमध्ये व्हिटॅमिन सी पुरेशा प्रमाणात असते, ज्यामुळे जर तुम्ही दररोज त्यांचे सेवन केले तर शरीराची रोगप्रतिकारक शक्ती वाढण्यास मदत होते. ही हिरवी मिरची खाल्ल्याने मोसमी आजारांच्या संसर्गाचा धोकाही कमी होतो. यासोबतच कोणत्याही प्रकारच्या संसर्गाशी लढण्याच्या शरीराच्या क्षमतेतही सुधारणा दिसून येते.

• मधुमेहाच्या रूग्णांसाठी उपयुक्त: हिरवी मिरची खाणे मधुमेहाच्या रूग्णांसाठी देखील खूप फायदेशीर ठरू शकते. हे खाल्ल्याने रक्तातील साखरेची पातळी नियंत्रणात राहण्यास मदत होते. खरं तर, व्हिनेगर इन्सुलिन संवेदनशीलता वाढविण्यासाठी उपयुक्त आहे. अशा वेळी व्हिनेगर हिरवी मिरची किंवा कांदा खाणे मधुमेहाच्या रुग्णांसाठी फायदेशीर ठरू शकते.

• पचनशक्ती निरोगी ठेवण्यास मदत: हिरवी मिरची पचनशक्ती निरोगी ठेवण्यास मदत करते. खरे तर हिरव्या मिरचीमध्ये भरपूर प्रमाणात फायबर आढळते. ज्यामुळे पचनसंस्था मजबूत होते. अशावेळी हिरव्या मिरचीचे सेवन केल्यास पचनाच्या सर्व समस्यांपासून आराम मिळू शकतो. यासोबतच हिरव्या मिरचीमुळे शरिरातील चरबीही कमी होण्यास मदत होते.

• त्वचा निरोगी ठेवण्यास मदत: हिरवी मिरची त्वचा निरोगी ठेवण्यास मदत करते. हिरव्या मिरचीमध्ये असलेले फायबर पोट साफ करण्याचे काम करते, ज्यामुळे त्वचा देखील सुधारते. याशिवाय हिरवी मिरची आणि व्हिनेगर यांचे कॉम्बिनेशन अँटिऑक्सिडेंट गुणधर्मांनी समृद्ध असते. याचे सेवन केल्याने त्वचा फ्री रॅडिकल्सचे परिणाम टाळते, तसेच त्वचेशी संबंधित सर्व समस्यांमध्ये हे खूप फायदेशीर ठरू शकते आणि त्वचेत सुधारणा देखील करू शकते.