Health benefits: नारळाच्या तेलात तुरटी मिसळून वापरण्याचे ३ मोठे फायदे! तुम्हाला माहित आहेत का?
Health benefits Alum And Coconut Oil: खोबरेल तेलात तुरटी मिसळून लावल्याने अनेक फायदे होतात. खोबरेल तेल तुमच्या केसांसाठी आणि त्वचेसाठी खूप फायदेशीर आहे.
Health benefits Alum And Coconut Oil: तुरटी आणि नारळाच्या तेलामध्ये प्रतिजैविक गुणधर्म असतात. अगदी पूर्वापार काळापासून ते अनेक रोगांच्या उपचारांमध्ये वापरले गेले आहेत. दोन्हीमध्ये भिन्न गुणधर्म आहेत, ज्याचा तुम्हाला अनेक प्रकारे फायदा होतो. चला तर मग जाणून घेऊया खोबरेल तेल आणि तुरटी एकत्र मिसळल्याने काय फायदे मिळू शकतात...
खोबरेल तेलात तुरटी मिसळून लावल्याने अनेक फायदे होतात. खोबरेल तेल तुमच्या केसांसाठी आणि त्वचेसाठी खूप फायदेशीर आहे. खोबरेल तेलात तुरटी मिक्स करून चेहऱ्यावर लावल्याने चेहरा अधिक स्वच्छ होतो. मुरुम आणि मुरुमांच्या इतर समस्यांपासून मुक्त होण्यासाठी, आपण आपल्या चेहऱ्यावर तुरटी आणि खोबरेल तेल एकत्र मिसळून लावू शकता. खोबरेल तेल आणि तुरटी एकत्र मिसळून लावा आणि चेहऱ्याची चांगली मालिश करा.
केस गळणे
केस गळण्याच्या समस्येवर मात करण्यासाठी, केसांच्या मुळांवर खोबरेल तेल आणि तुरटीचं मिश्रण लावा. दोन्ही घटक औषधी गुणधर्मांनी परिपूर्ण आहेत. खोबरेल तेल आणि तुरटीचे मिश्रण टाळूच्या ऍलर्जी आणि हानिकारक बॅक्टेरिया साफ करण्यासाठी देखील खूप फायदेशीर आहेत. तुम्ही हे तेल आठवड्यातून दोनदा लावू शकता. हे टाळूला मॉइश्चरायझिंग करण्यासाठी खूप उपयुक्त ठरते.
Hair Care Tips: ‘या’ ५ चुका तुमच्या केसांना बनवू शकतात मुळापासून निर्जीव! तुम्हीही करत नाही ना? वाचा...
पांढरे केस
जर, तुमचे केस पांढरे असतील आणि तुम्हाला त्याचा खूप त्रास होत असेल, तर या समस्येतही तुम्ही तुरटी आणि खोबरेल तेल मिक्स करून लावू शकता. हे तेल केसांच्या मुळापर्यंत लावावे. हे तेल लावल्याने पांढरे केस काळे होण्यास मदत होते. केस मजबूत करण्यासाठी देखील हे तेल मदत करेल. रक्ताभिसरणाला चालना देण्यासाठी देखील ते खूप मदत करते. या तेलाने तुम्ही तुमच्या टाळूची चांगली मसाज करा.
Visa-Free Countries: व्हिसा न घेताही ‘या’ देशांमध्ये बिनधास्त फिरू शकतात भारतीय! पाहा कोणते आहेत हे देश…
मृत त्वचा
खोबरेल तेल आणि तुरटी हे दोन्ही औषधी गुणधर्मांनी समृद्ध आहेत. यामध्ये भरपूर आवश्यक पोषक तत्वे आढळतात, ज्यामुळे डोक्यातील कोंडा दूर होतो आणि डोक्यातील घाण दूर होते. डेड स्किन अर्थात मृत त्वचा स्वच्छ करण्यासोबतच हे तेल टाळूवर साचलेली घाणही साफ करते. जर, तुम्हाला कोरड्या त्वचेपासून मुक्ती मिळवायची असेल, तर तुम्ही हे तेल वापरू शकता.
Mothers Day 2024 Gift Ideas: ‘मदर्स डे’ला तुमच्या आईला द्या ‘या’ ५ अनोख्या गोष्टी भेट; दिवस होईल खास!
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या