Hair Care: पांढरे केस काळे करण्यासाठी घरातच बनवा केमिकल फ्री हेअर कलर, खोबरेल तेलात 3 गोष्टी मिसळून होईल तयार

खोबरेल तेल लावल्याने केस खराब होण्याची शक्यता फारच कमी असते. ज्यामुळे ते केसांसाठी सुरक्षित उपाय ठरते. त्याच वेळी, नारळाच्या तेलामध्ये असलेले निरोगी फॅट्स केसांना चांगले पोषण देतात, केसांना ताकद देतात आणि केस मऊ, चमकदार आणि निरोगी बनवतात.जर तुम्ही तुमचे केस रंगविण्यासाठी नैसर्गिक उपाय शोधत असाल, तर तुम्ही खोबरेल तेल कसे वापरू शकता ते आज आपण पाहूया.

घरच्या घरी केसांचा रंग बनवण्यासाठी हे साहित्य वापरा-

-३-४ चमचे मेंदी पावडर

-२ चमचे कांद्याच्या बिया

-२-३ चमचे चहाची पाने (चहा पावडर)

-२ चमचे कॉफी पावडर

-एक वाटी खोबरेल तेल

Hair Care: केसांना लांबलचक आणि काळेभोर ठेवण्यासाठी वापरा केमिकल फ्री शॅम्पू,'या' सोप्या पद्धतीने घरातच बनवा

घरी नैसर्गिक केसांचा रंग बनवण्याची पद्धत-

-सर्वप्रथम एका भांड्यात एक ग्लास पाणी उकळत ठेवा.

-आता यामध्ये कॉफी, भाजलेल्या कांद्याच्या बियांची पावडर आणि मेंदी पावडर घाला.

-नंतर त्यात खोबरेल तेल घाला.

-सर्वकाही मिक्स करून मंद गॅसवर तापवून घ्या. नंतर,गॅस बंद करून ते थंड होऊ द्या.

-त्यात गरजेनुसार खोबरेल तेल मिसळू शकता.

-त्यानंतर हे मिश्रण केसांना लावा आणि एक ते दीड तास तसंच राहू द्या.

-यानंतर केस पाण्याने धुवा. तुम्ही कोणताही सौम्य शॅम्पूदेखील वापरू शकता.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )