Ganesh Chaturthi 2024: उकडीचे मोदक जमतच नाहीत? यंदा ट्राय करा ही सोपी रेसिपी

उकडीचे मोदक बनवण्यासाठी लागणारे साहित्य-

-तांदळाचे पीठ- १ कप

- पाणी-१ कप

-तूप- १ टीस्पून

-मीठ- एक चिमूटभर

सारण तयार करण्यासाठी साहित्य-

१ कप किसलेले नारळ

१/२ कप गूळ

१/२ टीस्पून वेलची पावडर

एक चिमूटभर जायफळ पावडर

ड्रायफ्रूट्स (आवडीनुसार)

सारण तयार करण्याची पद्धत-

सारण तयार करण्यासाठी सर्वप्रथम एका कढईत किसलेले खोबरे आणि गूळ घालून ते मंद आचेवर शिजवा. जोपर्यंत गूळ वितळून नारळात मिसळत नाही तोपर्यंत सतत ढवळत राहा. नंतर त्यामध्ये वेलची पावडर, जायफळ पावडर, चिरलेला काजू आणि मनुका घाला. हे मिश्रण चांगले मिसळा आणि मिश्रण थोडे घट्ट होईपर्यंत २ ते ३ मिनिटे शिजवा. आता गॅस बंद करा आणि मिश्रण थंड होऊ द्या. अशाप्रकारे सारण तयार आहे.

Ganesh Chaturthi 2024: यंदा बाप्पासाठी स्वतः बनवा नैवेद्य, ट्राय करा विविध प्रकारचे मोदक

मोदकाचे आवरण तयार करण्याची पद्धत-

मोदकाचे वरील आवरण तयार करताना, सर्वप्रथम तांदळाच्या पिठात चिमूटभर मीठ आणि १ चमचा तूप घाला. आता पीठ चांगले मळून घ्या. जास्त घट्ट किंवा जास्त पातळ करू नका. त्यानंतर पीठ ओल्या कापडाने झाकून ५ ते १० मिनिटे तसेच ठेवा.

उकडीच्या मोदकाची रेसिपी-

तळहातावर थोडे तूप किंवा पाणी लावा पिठाचा थोडासा भाग घ्या आणि त्याला गुळगुळीत पेढ्याचा आकार द्या. पिठाचा गोळा हाताने सपाट करा आणि एक लहान चकती बनवा आणि मध्यभागी आपण आधीच तयार केलेले सारण भरा. आता हलक्या हाताने त्या पिठाच्या आवरणाच्या कडा धरून मध्यभागी एकत्र करा. अशाप्रकारे तुमच्या मोदकाला सुंदर सुबक आकार द्या. आता गॅसवर स्टीमचे भांडे ठेऊन १० ते १५ मिनिटे हे सर्व मोदक वाफवून घ्या. आणि थंड झाल्यावर बाप्पाला नैवेद्य म्हणून अर्पण करा.