Ganesh Chaturthi 2024: यंदाच्या गणेशोत्सवाला घरच्या घरी बनवा टेस्टी श्रीखंड, सोपी आहे रेसिपी

Homemade Shrikhand Recipe: देशभरात गणेश चतुर्थी मोठ्या उत्साहात साजरी केली जाते. हिंदू कॅलेंडरनुसार, यावर्षी गणेश चतुर्थी ७ सप्टेंबर रोजी साजरी केली जाईल. दहा दिवस चालणाऱ्या या गणेशोत्सवात बाप्पाचे भक्त बाप्पाला आपल्या घरात विराजमान करून विविध पदार्थांचा नैवेद्य अर्पण करतात. मोदक आणि लाडू व्यतिरिक्त गणेशाला प्रिय असलेल्या अशाच एका वस्तूचे नाव म्हणजे श्रीखंड होय. तुम्हालाही या गणेश चतुर्थीला बाप्पाला नैवेद्यासाठी पारंपारिक महाराष्ट्रीयन पद्धतीने घरच्या घरी मार्केटसारखे श्रीखंड तयार करायचे असेल, तर श्रीखंड बनवण्याची ही सोपी रेसिपी ट्राय करा.

श्रीखंड बनवण्यासाठी लागणारे साहित्य -

५०० ग्रॅम दही-

१५० ग्रॅम आयसिंग शुगर

साखर-३ ग्रॅम

वेलचीपूड-५ ग्रॅम

केशर-२-४ काडया

गुलाबजल १० मिली

दूध (ऐच्छिक)

ड्रायफ्रूट्स बारीक करून

श्रीखंड कसे बनवावे-

गणेश चतुर्थीला गणपती बाप्पाला नैवेद्य म्हणून श्रीखंड अर्पण करण्यासाठी सर्वप्रथम १० मिली दुधात केशर भिजवून बाजूला ठेवावे. यानंतर एका भांड्यात अर्धा किलो दही चांगले फेटून त्यात आयसिंग शुगर, वेलची पूड, केशर आणि गुलाबजल असे उरलेले साहित्य घालून सर्व काही चांगले मिक्स करावे. गणपतीला अर्पण करण्यासाठी तुमची चविष्ट महाराष्ट्रीयन शैलीची श्रीखंड तयार आहे. त्याला तुम्ही फ्रिजमध्ये ठेऊन थंड करू शकता. शिवाय त्यास ड्रायफ्रूटने सजवून थंड सर्व्ह करू शकता.

Ganesh Chaturthi 2024: गणेशोत्सवआधी शिका पारंपरिक साटोऱ्या, एकदम जुनी आहे रेसिपी

श्रीखंड खाण्याचे फायदे -

श्रीखंड पचनक्रिया सुधारते आणि गॅस, ॲसिडिटी आणि बद्धकोष्ठता यासारख्या पचनाच्या समस्या दूर करते.

दह्यापासून बनवलेल्या श्रीखंडात कॅल्शियमचे प्रमाण चांगले असते, जे हाडे मजबूत ठेवण्यास मदत करते.

ज्यांना वजन कमी करायचे आहे त्यांनी दररोज आपल्या आहारात एक वाटी श्रीखंडाचा समावेश करावा. श्रीखंड दीर्घकाळ पोट भरून ठेवते, ज्यामुळे व्यक्तीची भूक कमी होते आणि वजन कमी होण्यास मदत होते.