Gajar Halwa: गाजरचा हलवा बनवणं वाटतं कठीण? फक्त ५ गोष्टी ठेवा लक्षात, येईल रेस्टॉरंटसारखी चव
gajar halwa recipe Marathi: जर तुम्हालाही घरी गाजराचा हलवा बनवायला आवडत असेल, तर तुम्ही या 5 गोष्टी लक्षात ठेवा.
How to make gajar halwa: थंडीच्या दिवसांत गाजराचा हलवा लोकांची पहिली पसंती बनतो. हिवाळा सुरू झाल्यामुळे, सणासुदीच्या वेळी आणि लग्नाच्या हंगामात मिठाईच्या दुकानांमध्ये तुम्हाला गाजराचा हलवा मुबलक प्रमाणात पाहायला मिळेल. ज्यांना बाजारातील अन्न आवडत नाही ते घरीच तयार करतात. जर तुम्हालाही घरी गाजराचा हलवा बनवायला आवडत असेल, तर तुम्ही या 5 गोष्टी लक्षात ठेवा. या 5 टिप्स फॉलो करून तुम्ही हलवा बनवलात तर तुम्हाला अप्रतिम चव येईल.
योग्य गाजर निवडा-
चवदार गाजर हलवा बनवण्यासाठी, योग्य गाजर निवडणे महत्वाचे आहे. खरं तर, सर्व गाजर हिवाळ्यात छान लागतात. पण जर तुम्हाला हलवा बनवायचा असेल तर असे गाजर निवडा जे जास्त जाड किंवा जास्त पातळ नसतील. लांब आणि पातळ गाजर निवडण्याचा प्रयत्न करा.
क्रीम चव आणि दाटसरपणा वाढवेल-
गाजराचा हलवा बनवण्यासाठी फुल क्रीम दूध वापरा. हे चव तर वाढवतेच आणि हलव्याला क्रीमयुक्त दाटसरपणादेखील देते. हलव्यातील दुधाला चांगली उकळी आली की त्यात एक वाटी मलई घाला.
साखरेच्या प्रमाणावर लक्ष द्या-
जर तुम्ही तुमच्या हलव्यात मावा घालत असाल, तर शुगर लेव्हलवर लक्ष ठेवा. मावा आणि गाजर या दोन्हींमध्ये नैसर्गिक गोडवा आहे. त्यामुळे साखरेचा वापर कमी करा. कारण जास्त साखर हलव्याची चव खराब करू शकते.
सुक्या मेव्यामुळे चव खराब होऊ नये-
हलव्यात सुका मेवाही टाकला जातो. पण अनेक वेळा लोक इतके ड्रायफ्रुट्स घालतात की हलव्याची चवच बिघडते. अशा परिस्थितीत हलव्यात सुका मेवा कमीत कमी वापरण्याचा प्रयत्न करा जेणेकरून चव टिकून राहील.
हलव्यात तूप मिसळा-
गाजराच्या हलव्यात तूप घालणे फार महत्वाचे आहे. हलवा बनवायचा असेल तेव्हा त्यात तूप घाला. असे केल्याने तुम्हाला हलव्याचा रंग खूपच छान झालेला दिसेल. शिवाय चवीलासुद्धा अप्रतिम लागेल.
