Black Pepper Benefits: वेट लॉसपासून इम्युनिटी बूस्ट करते काळी मिरी, रोज खाल्ल्याने मिळतात आश्चर्यकारक फायदे

Covid's JN.1 Variant: कोविडच्या नव्या व्हेरिएंटने वाढवली भिती, जाणून घ्या याची लक्षणे

सर्दी-खोकला

हिवाळ्यात सर्दी-खोकल्याचा त्रास सतावतो. या काळात ही समस्या टाळण्यासाठी तुम्ही काळी मिरी खाऊ शकता. हिवाळ्यात काळ्या मिरीचा काढा प्यायल्याने सर्दी, खोकला यासारख्या समस्यांपासून सुटका मिळते. एवढेच नाही तर काळी मिरी खाल्ल्याने घसादुखीपासूनही आराम मिळतो. सर्दी-खोकला झाल्यास १५ दिवसांपर्यंत एक एक काळी मिरी वाढवत आणि नंतर १५ दिवसांपर्यंत एक एक काळी मिरी कमी करत याचे सेवन करा. हा उपाय करून अगदी जुनी सर्दीही बरी होऊ शकते.

वेट लॉस

तुम्ही वाढच्या वजनाने त्रस्त असाल तर ते कमी करण्यासाठी तुमच्या आहारात काळी मिरीचा समावेश करा. काळ्या मिरीमध्ये असलेले पाइपरिन आणि अँटीओबेसिटी गुणधर्म वजन कमी करण्यास मदत करतात. लठ्ठपणापासून सुटका मिळवण्यासाठी हे उत्तम उपाय आहे.

Health Benefits: चिया सीड्स की तुळशीच्या बिया, वजन कमी करण्यासाठी काय आहे जास्त फायदेशीर?

पचन

हिवाळ्यात पचनाच्या समस्या वारंवार त्रास देऊ लागतात. अशा स्थितीत काळ्या मिरीमध्ये असलेले पाइपरिन पोटातील पाचक एन्झाईम्सला चालना देण्याचे काम करते. हे व्यक्तीची पचन क्षमता वाढवण्यास मदत करते.

सांधेदुखीपासून आराम

हिवाळ्यात बऱ्याच लोकांना स्नायू आणि सांधेदुखीचा त्रास होतो. जर तुम्हालाही सांधेदुखीचा त्रास होत असेल तर तुमच्या आहारात काळी मिरी समाविष्ट करा. याच्या नियमित सेवनाने सांधेदुखी आणि सूज यापासून आराम मिळतो. काळ्या मिरीमध्ये असलेले अँटी इंफ्लेमेटरी आणि अँटी अर्थरायटिस गुण वेदना आणि सूज कमी करण्यासाठी प्रभावी ठरू शकतात.

मजबूत रोगप्रतिकार शक्ती

रोगप्रतिकार शक्ती मजबूत करण्यासाठी तुम्ही काळी मिरीपासून बनवलेल्या काढ्याचे सेवन करू शकता. काळ्या मिरीमध्ये आढळणारे गुण शरीराला संसर्गापासून वाचवण्यास मदत करतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)