मराठी बातम्या  /  लाइफस्टाइल  /  Men's Health: स्टॅमिना वाढवण्यापासून ग्लोइंग स्किन मिळवण्यापर्यंत केशर पाणी पुरुषांसाठी आहे फायदेशीर

Men's Health: स्टॅमिना वाढवण्यापासून ग्लोइंग स्किन मिळवण्यापर्यंत केशर पाणी पुरुषांसाठी आहे फायदेशीर

Tejashree Tanaji Gaikwad HT Marathi
Jan 25, 2023 04:30 PM IST

Saffron water benefits for men: केशरमध्ये अनेक गुणधर्म आहेत जे पुरुषांच्या आरोग्यासाठी फायदेशीर ठरू शकतात. कसे, ते तपशीलवार जाणून घ्या.

केशर पाणी
केशर पाणी (Freepik )

Health Care: पुरुषांसाठी केशर पाण्याचे अनेक फायदे आहेत. खरं तर, केशरमध्ये अनेक प्रकारचे गुणधर्म आहेत जे स्टॅमिना वाढवण्यापासून ते बॉडी बिल्डिंगपर्यंत अनेक गोष्टींसाठी उपयुक्त ठरू शकतात. केशरमध्ये ४ अँटिऑक्सिडेंट असतात जे तुमच्या पेशींना फ्री रॅडिकल्स आणि ऑक्सिडेटिव्ह तणावापासून वाचवतात. जसे की क्रोसिन, क्रोसेटिन, सॅफ्रानल आणि केम्पफेरॉल. क्रोसिन आणि क्रोसेटिन हे कॅरोटीनोइड्स आहेत जे पुरुषांच्या आरोग्यासाठी अनेक प्रकारे कार्य करू शकतात. कसे, सविस्तर जाणून घ्या.

१. स्टॅमिना बूस्टर

केशरचे पाणी हे स्टॅमिना बूस्टर आहे कारण त्यातील क्रोसिन, क्रोसेटिन, सॅफ्रानल आणि केम्पफेरॉल यांसारखे अँटीऑक्सिडंट्स तुमच्या पेशींना ऑक्सिडेटिव्ह तणावापासून वाचवण्यास मदत करतात. यानंतर, ते स्नायू कमकुवतपणा वाढवतील आणि पुरुषांमध्ये तग धरण्याची क्षमता वाढवण्यास मदत करतील.

२. केशर पाणी मूड बूस्टर आहे

केशर पाणी हे मूड बूस्टर आहे जे एन्टीडिप्रेसंट सारखे कार्य करते. ते शरीरात आनंदी संप्रेरकांना प्रोत्साहन देतात आणि मूड बदलण्यास प्रतिबंध करतात. अशा प्रकारे, ते उदासीनता आणि नैराश्याशी संबंधित लक्षणे कमी करतात आणि पुरुषांना आनंदी आणि शांत राहण्यास मदत करतात.

३. प्रजनन क्षमता वाढते

अभ्यासातून असे दिसून आले आहे की केशरमध्ये कामोत्तेजक गुणधर्म असू शकतात कारण ते अँटीडिप्रेसेंट म्हणून देखील कार्य करते. PubMd च्या मते, ४ आठवड्यांसाठी दररोज ३० मिलीग्राम केशर घेतल्याने इरेक्टाइल फंक्शनमध्ये लक्षणीय सुधारणा होऊ शकते. याशिवाय केशरचे पाणी वीर्य प्रमाण वाढवून प्रजनन क्षमता वाढवण्यास मदत करते.

४. चमकदार त्वचेसाठी फायदेशीर

केशरचे पाणी चमकदार त्वचा मिळविण्यासाठी खूप प्रभावीपणे काम करते. प्रथम, ते रक्ताभिसरण सुधारते आणि चमकदार त्वचा प्राप्त करण्यास मदत करते. दुसरे, ते मुरुम आणि डाग हलके करून चेहऱ्याचा रंग सुधारते.

५. केशराचे पाणी कधी आणि कसे प्यावे

तुम्ही सकाळी रिकाम्या पोटी केशरचे पाणी पिऊ शकता. यासाठी केशर रात्रभर थंड पाण्यात भिजत ठेवा. त्यानंतर सकाळी या पाण्याचे सेवन करा. हे तुमच्यासाठी फायदेशीर ठरेल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

 

WhatsApp channel

संबंधित बातम्या