मराठी बातम्या  /  लाइफस्टाइल  /  Relationship Tips: सासू-सुनेचे नाते घट्ट करण्यासाठी या टिप्स फॉलो करा, कधीच दुरावा येणार नाही!
 रिलेशनशिप टिप्स
रिलेशनशिप टिप्स (Freepik )

Relationship Tips: सासू-सुनेचे नाते घट्ट करण्यासाठी या टिप्स फॉलो करा, कधीच दुरावा येणार नाही!

25 January 2023, 11:31 ISTTejashree Tanaji Gaikwad

लग्नानंतर अनेकदा सासू-सुनेमध्ये खटके उडतात. यामुळे त्यांच्या नात्यात दुरावा निर्माण होतो. मात्र, सासू आणि सून यांची इच्छा असेल तर काही गोष्टी लक्षात ठेवून ते नाते सुधारू शकतात.

सासू आणि सून यांचे नाते फार वेगळे असते. जिथे या नात्यात अपार प्रेम दिसते तर कधी सासू-सून यांच्यातील नाते हे दैनंदिन वादांसाठीही ओळखले जाते. खरं तर, सासू आणि सून यांच्यात अनेकदा छोट्या छोट्या गोष्टींवरून मतभेद होतात. अशा वेळी तुम्हाला हवे असल्यास काही खास रिलेशनशिप टिप्स फॉलो करून सासू-सून यांचे नाते घट्ट करता येऊ शकते. लग्नानंतर सासू-सुनेत यांच्यात छोट्या-छोट्या गोष्टींवरून अनेकदा भांडण होत असते. अशा स्थितीत दोघांच्या नात्यात दुरावा तर निर्माण होतोच पण त्यामुळे घरातील वातावरणही बिघडू शकते. म्हणूनच सासू आणि सून यांच्यातील संबंध सुधारण्याचे काही मार्ग आम्ही तुमच्यासोबत शेअर करणार आहोत, ज्याचा प्रयत्न करून तुम्ही या नात्यातही प्रेम आणि काळजी टिकवून ठेवू शकता.

ट्रेंडिंग न्यूज

कम्फर्ट झोनमधून बाहेर पडा

लग्नाआधी सासू आणि सून या दोघांचा दिनक्रम ठरलेला असतो. त्याचबरोबर लग्नानंतर दोघांच्या रुटीनमध्येही बदल होतात. पण या काळात सासू किंवा सून दोघांनाही त्यांच्या कम्फर्ट झोनशी तडजोड करायची नसते. त्यामुळे नात्यात दुरावा येऊ लागतो. अशा परिस्थितीत सासू आणि सून या दोघांनी एकमेकांच्या दिनचर्येत अडथळा आणू नये यासाठी प्रयत्न केले पाहिजेत. त्याच वेळी, एकमेकांना स्पेस देऊन, आपण आपले नाते सुधारू शकता.

हक्क

लग्नानंतर सून घरात हक्क मिळवण्याच्या धडपडीत अडकते तर सासूला सुनेसोबत अधिकार वाटून घ्यायचे नसतात. त्यामुळे दोघांमध्ये वाद सुरू होतो. म्हणूनच हक्क हिसकावून घेण्याऐवजी, सामायिक करण्याचा प्रयत्न करा. अशा परिस्थितीत सासू सुनेला योग्य मार्गदर्शन तर करू शकतेच. सूनही सासूच्या मदतीने सासरच्या घरात सहज जुळवून घेऊ शकते.

आवडीची विशेष काळजी घ्या

लग्नानंतर सासू आणि सून अनेकदा एकमेकांवर आपली निवड लादायला लागतात. त्यामुळे दोघांच्या नात्यात तणाव निर्माण होतो. अशा परिस्थितीत सासूची निवड सुनेला खटकते आणि दुसरीकडे सूनला सासूची. पण या परिस्थितीत, आपण एकमेकांच्या पसंतीचा विचार करून किंवा आपल्या सूचना आरामात देऊन आपल्या नात्यातील प्रेम टिकवून ठेवू शकता.

विचारांना महत्त्व द्या

घरातील सर्व महत्त्वाच्या बाबींमध्ये सासू आणि सून या दोघांचे मत महत्त्वाचे असते. घराच्या इंटिरिअरपासून गुंतवणुकीपर्यंतच्या निर्णयांमध्ये सासू आणि सून या दोघांना बोलण्याचा समान अधिकार आहे. अशा वेळी एखाद्याच्या मताला महत्त्व दिल्याने नात्यात दुरावा निर्माण होऊ लागतो. तथापि, सासू आणि सून दोघेही एकमेकांच्या सल्ल्याचा आदर करून मतभेदांची शक्यता कमी करू शकतात.

 

विभाग