Habits for Mental Health: चिंता आणि नैराश्यापासून दूर ठेवतील या सवयी, रोज करा फॉलो
Routine for Mental Health: कामाच्या ताणामुळे चिंता आणि स्ट्रेस वाढत आहे. त्यामुळे तुमच्या दैनंदिन जीवनात या बदलांचा नक्कीच समावेश करा. ज्यामुळे तुम्ही तणाव आणि डिप्रेशनपासून लांब राहाल.
Habits That Reduce Stress Level and Combat Depression: कामाचा प्रचंड ताण आणि काही वेळा आजूबाजूचे वातावरण यामुळे लोकांमध्ये चिंता आणि स्ट्रेस वाढतो. ज्याकडे लोक सहसा दुर्लक्ष करतात. परिणामी तणाव आणि चिंता वाढून नैराश्याचे रूप धारण करते. आपल्या सवयींमध्ये वेळीच काही बदल करणे आवश्यक आहे. जेणेकरून तणाव आणि चिंता कमी करता येईल. दैनंदिन जीवनात असे बदल आणि सवयी अंगीकारल्याने मानसिक शांती मिळते आणि तणाव कमी होतो. रोजच्या सवयींमध्ये हे ६ प्रकारचे बदल करा, ते तुम्हाला तणावातून बाहेर पडण्यास मदत करतील.
स्वतःची काळजी घ्या
घर आणि कुटुंबाच्या जबाबदाऱ्या आणि अपेक्षांमध्ये स्वतःकडे दुर्लक्ष करू नका. भावनिक आणि मानसिकदृष्ट्या निरोगी राहण्यासाठी स्वत: ची काळजी घेणे आवश्यक आहे. त्यामुळे ज्या गोष्टीतून तुम्हाला मानसिक शांती मिळेल अशा कार्यात सहभागी व्हा. ध्यान, ब्रीदिंग व्यायाम, चालणे किंवा तुम्हाला आनंद देणारे कोणतेही छंद तुमच्या तणावाची पातळी कमी करण्याचा प्रयत्न करतील.
आहार संतुलित ठेवा
जर खराब अन्नामुळे तुमची पचनसंस्था खराब राहिली तर त्यामुळे तुमचे मानसिक आरोग्य आणखी बिघडते. त्यामुळे नेहमी असे पदार्थ खाण्याचा प्रयत्न करा जे तुम्हाला हलके आणि उत्साही बनवतील. फळे, भाज्या, प्रथिने यांचे प्रमाण मूड स्थिर करते आणि स्विंग टाळते. चहा- कॉफी, गोड ड्रिंक्स, सोडा ड्रिंक, अल्कोहोल, प्रक्रिया केलेले पदार्थ, जंक फूड या सर्वांमुळे तणाव आणि चिंता वाढते. यासोबतच दिवसभर पाणी पीत राहा आणि स्वतःला हायड्रेट ठेवा.
झोप खूप महत्त्वाची
चांगली झोप मानसिक आरोग्यासाठी सर्वात महत्त्वाची आहे. जर तुम्हाला तणाव वाटत असेल तर झोपेवर पूर्ण लक्ष केंद्रित करा. पुरेशी झोप घेतल्याने तणावाची पातळी कमी होते. दैनंदिन रूटीनमध्ये तुमच्या झोपेने रूटीन फिक्स करा. तसेच झोपायला जाण्यापूर्वी ब्लू लाइट स्क्रीन पूर्णपणे बंद करा. झोपण्यापूर्वी चहा किंवा कॉफी पिऊ नका.
व्यायाम चुकवू नका
रोज थोडा व्यायाम केल्यास मूड सुधारण्यास मदत होते. व्यायाम केल्याने एंडोर्फिन हार्मोन्स बाहेर पडतात. हे हॅपी हार्मोन म्हणूनही ओळखले जाते. हे तणावाची पातळी कमी करते. दररोज अर्धा तास जॉगिंग, नृत्य, योगासन किंवा पोहणे यापैकी कोणतेही वर्कआउटला रूटीनचा भाग बनवा. यामुळे तुमचे शारीरिक आरोग्य तर सुधारेलच पण मानसिक आरोग्यावरही सकारात्मक परिणाम होईल.
आपले विचार बदला
थोडा वेळ बसा आणि विचार करा परंतु कोणत्याही प्रकारचे निष्कर्ष काढू नका. यामुळे तुमची तणावाची पातळी कमी करण्याचा प्रयत्न होईल. सकारात्मक विचारांमुळे तणाव आणि चिंता यातून बाहेर पडण्यास मदत होते.
सोशल नेटवर्क गरजेचे
आपल्या सभोवतालच्या मित्र आणि नातेवाईकांमध्ये जाणे आवश्यक आहे. त्यांच्याशी बोला. तसेच काही ग्रुपमध्ये सामील व्हा जे तुम्हाला बोलण्यासाठी आणि सकारात्मक विचार करण्यास प्रेरित करतात. असे केल्याने तुमच्या विचार करण्याच्या पद्धतीत फरक पडेल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या