मराठी बातम्या  /  लाइफस्टाइल  /  Cleaning Hacks: फॉलो करा क्लिनिंग हॅक, चमकेल घराचा प्रत्येक कोपरा!

Cleaning Hacks: फॉलो करा क्लिनिंग हॅक, चमकेल घराचा प्रत्येक कोपरा!

Tejashree Tanaji Gaikwad HT Marathi
Feb 22, 2024 11:40 AM IST

घराची साफसफाई करताना स्थिती बिघडते, अशा परिस्थितीत तुम्ही या काही टिप्सने तुमचे घर सहज आणि लवकर स्वच्छ करू शकाल. आम्ही तुम्हाला घर साफ करण्याचे सोपे हॅक्स सांगतो.

Follow the cleaning hacks every corner of the house will shine
Follow the cleaning hacks every corner of the house will shine (Freepik)

Home Décor: घराची साफसफाई हा फार महत्त्वाचा भाग आहे. प्रत्येकजण आपलं घर आपल्या परीने स्वच्छ ठेवायचा प्रयत्न करतो. दर १० ते १५ दिवसांनी घराची स्वच्छता करावी लागतेच. घराची साफसफाई केल्याने वेगळंच समाधानही मिळते. पण कधी-कधी घराची साफसफाई करणे अवघड काम वाटते. वास्तविक, घराची साफसफाई करताना, अशा काही जागा आहेत जिथे लोकांचे हात पोहोचू शकत नाहीत किंवा घरातील अनेक कोपरे आहेत जे व्यवस्थित साफ केले जात नाहीत. घराचे हे कोपरे आपल्याला आठवण करून देतात की अजून साफसफाई करायची आहे. घराच्या साफसफाईमध्ये खिडक्या, दारे, पंखे, इलेक्ट्रॉनिक्स वस्तू, स्वयंपाकघर, स्नानगृह, सर्वकाही असते. काही हॅकमुळे तुमचे साफसफाईचे काम सोपे होईल.

या टिप्स फॉलो करा

> तुमच्या स्वयंपाकघर परिसरात वस्तू ठेवण्यासाठी बनवलेल्या सर्व शेल्फ्वर कागद टाकावा.

> तुमच्या घराच्या भिंतींवर घाण साचली असेल तर तुम्ही क्लिनिंग मॉपने भिंती सहज स्वच्छ करू शकता. साफसफाईच्या मॉपमध्ये दोन्ही बाजूंनी जुने मोजे घाला. आता घराच्या भिंतीतील घाण पाण्याशिवाय स्वच्छ करा.

> जर तुमच्या फ्रिजवर बोटांचे ठसे असतील आणि ते खूप घाण असेल तर ते बेबी ऑइलने स्वच्छ करा. सुती कापडावर बेबी ऑइल लावून ते स्वच्छ करा. याने जुना फ्रीज लगेच चमकू लागेल.

> बेसिनमध्ये घाण आणि डाग असल्यास ते स्वच्छ करण्यासाठी लिंबू आणि बेकिंग सोडा वापरा. बेसिनमधील घाण साफ करण्यासाठी लिंबू आणि बेकिंग सोडा खूप प्रभावी आहे.

> घराच्या गलिच्छ काचेच्या खिडक्या स्वच्छ करण्यासाठी तुम्ही शेव्हिंग क्रीम वापरू शकता. काचेवर शेव्हिंग क्रीम लावा आणि १५ मिनिटे ठेवा आणि नंतर ओल्या कापडाने पुसून टाका.

> घराच्या राहत्या भागात सर्वात घाणेरडी गोष्ट म्हणजे कार्पेट. म्हणून आपण ते स्वच्छ करण्यासाठी अल्कोहोलयुक्त केनिकल वापरू शकता.

> जर तुमच्या महागड्या सोफ्याच्या कव्हरवर अन्न किंवा ग्रीस इत्यादीमुळे डाग पडले असतील तर कोणत्याही प्रकारच्या अल्कोहोलने डाग काढता येतो. असे केल्याने तुमच्या सोफा कव्हरचे आयुष्यही वाढेल आणि ते कोणत्याही महागड्या उत्पादनासारखे प्रभावी होईल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग