मराठी बातम्या  /  लाइफस्टाइल  /  Chanakya Niti: या वर्षी चाणक्यांचे हे विचार फॉलो करा, प्रत्येक क्षेत्रात मिळेल यश!

Chanakya Niti: या वर्षी चाणक्यांचे हे विचार फॉलो करा, प्रत्येक क्षेत्रात मिळेल यश!

Tejashree Tanaji Gaikwad HT Marathi
Jan 10, 2024 09:20 AM IST

Acharya Chanakya: आचार्य चाणक्य यांनी नीती शास्त्रामध्ये जवळपास प्रत्येक क्षेत्राशी संबंधित गोष्टींचा उल्लेख केला आहे.

Chanakya Niti
Chanakya Niti

Chanakya Niti: चाणक्य हे देशातील सर्वोत्तम विद्वानांमध्ये गणले जातात. एवढेच नाही तर चाणक्य त्यांच्या धोरणांसाठी जगभर प्रसिद्ध आहे. चाणक्याची धोरणे यश मिळविण्यासाठी रामबाण उपाय मानली जातात. जर एखाद्या व्यक्तीने चाणक्य नीतीचे पालन केले तर त्याला जीवनात यशस्वी होण्यापासून कोणीही रोखू शकत नाही. अशा वेळी या नवीन वर्षात चाणक्याचे काही विचार लक्षात ठेवले तर यश निश्चित आहे. चला तर मग जाणून घेऊया कोणती आहेत ती चाणक्याची धोरणे.

रागावर नियंत्रण ठेवा

राग आणि अहंकार प्रत्येक क्षेत्रात अडथळे बनतात. आपला अहंकार आणि राग तुम्हाला आयुष्यात पुढे जाऊ देत नाहीत. एवढेच नाही तर जर तुम्ही अहंकार आणि राग बाळगलात तर तुमची संपूर्ण आयुष्याची मेहनत वाया जाऊ शकते. अहंकार आणि राग यामुळे तुम्हाला समाजात मानही मिळत नाही. या वर्षात जर तुम्ही राग आणि अहंकार सोडलात तर तुम्हाला आयुष्यात यश नक्की मिळेल.

चुका पुन्हा रिपीट करू नका

माणसाने आपल्या चुकांमधून नेहमी शिकले पाहिजे. एकदा केलेली चूक शक्यतो पुन्हा करू नये. असाच नेहमी तुमचा प्रयत्न असला पाहिजे. एखादी चूक पुन्हा पुन्हा करत राहिल्यास यश मिळविण्यात तुम्ही मागे राहाल. या वर्षी चुका पुन्हा करणार नाही असा संकल्प घ्या.

टीकेला घाबरू नका

माणसाने आयुष्यात कधीही टीकेला घाबरू नये. टीका केली की माणसाला नकोसे वाटतं. पण लक्षात घ्या जेव्हा जेव्हा तुमच्यावर टीका होते तेव्हा धीर धरा त्यालाही पॉझिटिव्हली घ्या. चाणक्य मानतात की जी व्यक्ती आपल्या जीवनात टीकेला घाबरते ती आपल्या ध्येयापर्यंत पोहोचू शकत नाही. आयुष्यात टीकेला घाबरू नका, फक्त तुमच्या ध्येयाकडे वाटचाल करत रहा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही.)

WhatsApp channel