Fitness Mantra: वॉक करताना वजन उचलून चालल्याने मिळतात अनेक फायदे, वेट लॉस मध्ये होईल मदत

Fitness Mantra: लवकर फॅट बर्न करण्यासाठी करा नियमित हे सोपे व्यायाम, शरीरही होईल स्लिम

वजन उचलून चालण्याचे फायदे

हृदयाच्या आरोग्यासाठी फायदेशीर

जेव्हा जेव्हा तुम्ही वजन उचलून चालता तेव्हा ते हृदय व रक्तवाहिन्यासंबंधी आरोग्यासाठी खूप फायदेशीर असते. वजन घेऊन चालण्याने हृदय व रक्तवाहिन्यासंबंधी प्रणालीला अधिकाधिक आणि जलद प्रमाणात ऑक्सिजनचा पुरवठा होतो. ज्यामुळे हृदयाचे आरोग्य चांगले राहते.

वेट लॉस मध्ये मदत

साध्या चालण्याने जास्त कॅलरी बर्न होतात, ज्यामुळे वजन वेगाने कमी होते. अभ्यासानुसार, ताशी ४ मीटर वेगाने हातात वजन घेऊन चालण्याचा फायदा ताशी ५ किमी वेगाने धावण्याइतकाच होतो. हे दर्शविते की वजन उचलून चालल्याने शरीराला लवकर फायदा होतो.

ब्लड प्रेशर सुधारते

रक्तदाब सुधारतो आणि उच्च रक्तदाबाची समस्या दूर होण्यास मदत होते. तसेच हृदयाचे ठोकेही योग्य होतात.

Fitness Mantra: सकाळी फक्त ७ मिनिटांचा व्यायाम दूर करू शकतो वाढलेले वजन, राहाल फिट

मानसिक आरोग्यावर परिणाम

नैराश्याच्या दृश्य लक्षणांमध्ये वजन उचलून वॉक करणे फायदेशीर आहे. यामुळे भावनिक स्थैर्य बळकट होते.

- स्मरणशक्ती वाढण्यास मदत होते.

- खाल्ल्यानंतर पचनक्रिया वेगवान होते.

- झोपेची गुणवत्ता झपाट्याने सुधारते आणि गाढ झोप येण्यास मदत होते.

- शरीराचा स्टॅमिना आणि एंड्युरंस वाढण्यास मदत होते.

- शरीराच्या विशिष्ट भागाच्या स्नायूंना गुंतवून वजन कमी करता येते.

Fitness Mantra: घरीच वर्कआउट करताय? लक्षात ठेवा या गोष्टी, होणार नाही कोणतीही दुखापत

किती वेळ चालणे योग्य

जर तुम्ही वजन घेऊन चालत असाल तर कमीत कमी ५ ते २० मिनिटे चालल्यास त्याचा परिणाम दिसून येईल.

या पद्धतीने वजन घेऊन करता येतो वॉक

एकंलवर वजन

पायांची ताकद वाढवायची असेल आणि शरीराचे खालचे स्नायू कमी करायचे असतील तर एंकलवर अर्धा किलो ते दीड किलोपेक्षा कमी वजन बांधून चालता येते. एवढं वजन बांधून ट्रेडमिलवरही चालता येतं. हार्वर्ड युनिव्हर्सिटीच्या म्हणण्यानुसार थोडं चालणं ठीक असलं तरी जास्त चालण्यामुळे एंकल जॉइंट किंवा लिगामेंटला इजा होण्याची भीती असते.

हातात वजन

अप्पर बॉडी टोन करायची असेल आणि वजन कमी करायचं असेल तर हातात वजन घेऊन चालणं फायदेशीर ठरतं. साधारण अर्धा किलो ते तीन, साडे तीन किलोपर्यंत वजन उचलल्याने फरक पडतो.

कमरेवर वजन बांधून चालणे

कमरेवर वजन बांधून चालणे सर्वात सुरक्षित आहे. यामुळे आपल्या शरीराचे गुरुत्वाकर्षण तर टिकून राहतेच, शिवाय त्याचा शरीरावर होणारा परिणामही चांगल्या प्रकारे दिसून येतो. इजा टाळायची असेल तर कंबरेवर वजन बांधून चालणे चांगले.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)