Fitness Mantra: लवकर फॅट बर्न करण्यासाठी करा नियमित हे सोपे व्यायाम, शरीरही होईल स्लिम

Fitness Mantra: सकाळी फक्त ७ मिनिटांचा व्यायाम दूर करू शकतो वाढलेले वजन, राहाल फिट

रनिंग

एक्स्पर्टच्या मते, फॅट बर्निंगसाठी धावणे हा उत्तम व्यायाम आहे. एक सरासरी व्यक्ती एक तासाच्या रनिंगमध्ये ५०० ते १००० कॅलरी बर्न करू शकते. मात्र, धावण्याचा वेग, वय याचाही कॅलरी बर्निंगवर परिणाम होतो. पण धावण्याने शरीरातील सर्व स्नायूंचा वापर होतो आणि जास्तीत जास्त कॅलरीज बर्न होतात.

सायकलिंग

कार्डिओ व्यायामात सायकलिंग सर्वोत्तम आहे. एक तास सायकल चालवल्यास ५०० ते ७०० कॅलरीज बर्न होतात. यामुळे गुडघे, हात, पाय यांसह शरीरातील सर्व आवश्यक स्नायूंची चरबी जाळण्यास मदत होते.

Fitness Mantra: घरीच वर्कआउट करताय? लक्षात ठेवा या गोष्टी, होणार नाही कोणतीही दुखापत

प्लँक्स

प्लँक देखील स्नायूंची चरबी वेगाने बर्न करतात. पण केवळ साधेच नव्हे तर वेगवेगळ्या पद्धतीने केलेले प्लँक शरीरावर इफेक्टिव्ह परिणाम करतात.

स्किपिंग किंवा दोरीवरच्या उड्या

दोरीवर उड्या मारल्याने अपर आणि लोअर दोन्ही बॉडी पार्ट्सवर समान परिणाम होतो आणि स्नायूंमधून चरबी वेगाने बर्न होते. दोरीच्या उड्या मारणे हे हृदय व रक्तवाहिन्यासंबंधी आरोग्यासाठी देखील चांगले आहे. इतकंच नाही तर दोरीच्या उड्या मारल्याने मन आणि शरीरात चांगलं संतुलन निर्माण होतं. जे मनाच्या आरोग्यासाठीही चांगले असते. एका तासात ६०० ते १००० कॅलरीज बर्न होऊ शकतात.

Fitness Mantra: ब्लड सर्कुलेशन कमी झाल्याने दुखू शकतात पाय, सुधारण्यासाठी रोज करा हे व्यायाम

पायऱ्या चढणे

जर तुम्ही लिफ्टऐवजी पायऱ्यांचा वापर केला तर तुमचे हृदय मजबूत राहण्यास मदत होते. यामुळे शरीर ही स्लिम होते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)