Fitness Mantra: फेस्टिव्ह सीझन मध्ये तेल-तुपाचे पदार्थ खाऊनही राहाल नेहमी फिट, फक्त फॉलो करा 'या' टिप्स
Fitness Tips in Marathi: सणासुदीचा हंगाम सुरू झाला असून, आज म्हणजेच १९ ऑगस्टला राखीचा सण साजरा केला जाणार आहे. सणासुदीच्या वेळी गोड पदार्थ बनवल्या जातात. अशावेळी जर तुम्हाला या तेलकट तूपकट गोष्टी खाऊन स्वत:ला फिट ठेवायचे असेल तर या टिप्स फॉलो करा.
Tips to Stay Fit During Festive Season: श्रावण महिन्यापासून अनेक सणांचे आगमन सुरू होते. या महिन्यात रक्षाबंधनसोबत अनेक सण साजरे केले जातात. रक्षाबंधननंतर जन्माष्टमी, गणेश उत्सव सुरू होतो. अशा परिस्थितीत सणासुदीचा हंगाम सुरू झाला आहे, असे म्हटल्यास वावगे ठरणार नाही. सणासुदीच्या काळात प्रत्येकाच्या घरात वेगवेगळ्या प्रकारचे पदार्थ बनवले जातात. काही लोकांच्या घरातील जेवणाचे मेनू खूप मोठे असतात. या काळात तूप-तेलात बनवलेले अन्न नक्कीच केले जाते. असे अन्न आरोग्य बिघडवू शकते. मात्र जर तुम्ही काही टिप्स फॉलो केल्या तर असे पदार्थ खाल्ल्यानंतरही तुम्ही स्वत:ला फिट ठेवू शकाल. पण याचा अर्थ असा नाही की या टिप्सचा अवलंब करून तुम्ही रोज असे पदार्थ खावे. कधी कधी अशा प्रकारचे अन्न खाल्ले जाऊ शकते.
टीप १
दररोज ३० मिनिटे स्ट्रेच किंवा कोणतेही योगासन करा. हे आपल्याला तणावमुक्त आणि आनंदी ठेवताना स्नायूंना टोन करण्यास मदत करेल.
टीप २
कधी कधी तळलेले अन्न खाण्यापूर्वी पाणी प्या. असे केल्याने तुम्हाला जेवढी भूक लागेल तेवढे खाणार. खाणे टाळण्यासाठी आणि पोटाचे आरोग्य राखण्यासाठी दिवसभरात ३-४ लिटर पाणी पिणे महत्वाचे आहे.
टीप ३
फिट राहण्यासाठी झोपण्याच्या वेळी कोमट पाण्यात १ चमचा फ्लेक्स सीड पावडर घाला. याशिवाय जर तुमचे पोट बिघडले असेल किंवा बद्धकोष्ठतेची समस्या असेल तर त्रिफळा चूर्ण पाण्यात मिसळून प्यावे.
टीप ४
शरीरातील विषारी पदार्थ काढून टाकण्यासाठी डिटॉक्स करणे आवश्यक आहे. अशावेळी तुम्ही दिवसाची सुरुवात नेहमी १ लिटर गरम पाण्याने करू शकता. याशिवाय चयापचय वाढवण्यासाठी सकाळी उठल्यानंतर लगेचच ओवा, लिंबू आणि आल्याचा एक शॉट प्यावा.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या