Fitness Mantra: वजन घटवण्यासाठी सकाळी फिरायला जाताय? तुमच्या एका चुकीने गुडघे कायमचे होतील खराब

वॉर्म अप-

जर तुम्ही मॉर्निंग वॉकला जायला सुरुवात केली असेल. तर तुमच्यासाठी हे समजून घेणे आवश्यक आहे की, मॉर्निंग वॉकला जाण्यापूर्वी स्ट्रेचिंग आणि वॉर्म-अप करणे खूप महत्त्वाचे आहे. सुरुवातीला तुम्ही अगदी सावकाश गतीने चालणे सुरू करा, जेणेकरून तुमचे स्नायू आणि सांधे गरम होऊ शकतील. स्ट्रेचिंगमुळे स्नायूंची लवचिकता वाढते आणि गुडघ्यांवर दबाव कमी होतो. चालल्यानंतरही स्ट्रेचिंग करा जेणेकरून स्नायू थंड होतील आणि स्नायूंचा थकवा दूर होईल.

शूजचे महत्व-

वजन कमी करण्यासाठी तुम्ही जर चालत असाल, तर लक्षात ठेवा तुमच्या शूजची क्वालिटी खूप महत्त्वाची आहे. हलके सोल्स आणि मऊ कुशनिंग असलेले शूज निवडा. जेणेकरून तुमच्या पायाला योग्य आधार मिळेल. योग्य शूज तुमच्या गुडघ्यांना धक्क्यांपासून वाचवतात आणि लांब अंतर चालल्यानंतरही तुमचे पाय आरामशीर ठेवतात. जर शूज तुम्हाला व्यवस्थित बसत नसतील किंवा आरामशीर आणि फिट नसतील तर पायावर फोड येण्याची दाट शक्यता असते.

Weight Loss Tips: पोट, मांड्या आणि कंबरेची चरबी वाढलीय? 'या' घरगुती उपायाने १० दिवसांत दिसेल फरक

गुडघे मजबूत करा-

वजन कमी करण्यासाठी जर तुम्हीही सकाळी फिरायला जायचं प्लॅनिंग करत असाल, आणि तुमचे गुडघे आधीच दुखत असतील. तर अशावेळी लगेच १० किलोमीटर चालणे सुरू करू नका. हळूहळू सुरुवात करा आणि नंतर अंतर वाढवत रहा. गुडघ्याभोवतीचे स्नायू मजबूत आणि बळकट करण्यासाठी डोंगर आणि पायऱ्या चढणे फायदेशीर ठरू शकते.

आहाराची मदत घ्या-

जेव्हा तुमचे वजन वाढते तेव्हा, त्याचा सर्वात मोठा परिणाम तुमच्या गुडघ्यांवर होतो. वजन कमी करण्यासाठी मॉर्निंग वॉकचा विचार करत असाल, तर आधी तुमच्या आहारात बदल करून काही किलो वजन कमी करा. यामुळे तुमच्या शरीराला चालण्यासाठी तयार होण्यास मदत होईल. आणि तुमच्या गुडघ्यांवर अतिरिक्त भार पडणार नाही. त्यामुळे तुम्ही फिरून सहजपणे वजन कमी करू शकाल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)