मराठी बातम्या  /  लाइफस्टाइल  /  Fitness Mantra: लठ्ठपणामुळे त्रस्त असाल तर नित्यनेमानं करा ‘जम्पिंग जॅक’; जाणून घ्या व्यायामाची योग्य पद्धत

Fitness Mantra: लठ्ठपणामुळे त्रस्त असाल तर नित्यनेमानं करा ‘जम्पिंग जॅक’; जाणून घ्या व्यायामाची योग्य पद्धत

Hiral Shriram Gawande HT Marathi
Feb 21, 2024 09:22 AM IST

Weight Loss Exercise: वाढत्या वजनामुळे आज प्रत्येक जण त्रस्त आहे. तुम्हाला वजन कमी करायचे असले तर तुम्ही जंपिंग जॅक हा व्यायाम करू शकता. हे करण्याची योग्य पद्धत आणि त्याचे फायदे जाणून घ्या.

वजन कमी करण्यासाठी जंपिंग जॅक व्यायाम
वजन कमी करण्यासाठी जंपिंग जॅक व्यायाम (unsplash)

Jumping Jack Exercise for Wright Loss: आज बहुतेक लोकांसाठी वाढता लठ्ठपणा ही एक मोठी समस्या झाली आहे. या समस्येपासून मुक्त होण्यासाठी लोक डाएटिंगपासून ते जिममध्ये व्यायाम आणि योगा करण्यापर्यंत सर्व गोष्टी फॉलो करतात. असे असूनही समस्या जैसे थेच असते. जर तुम्ही देखील वाढत्या लठ्ठपणामुळे त्रस्त असाल आणि वजन लवकर कमी करण्याचे मार्ग शोधत असाल तर जंपिंग जॅक तुम्हाला मदत करू शकतात. जंपिंग जॅक असाच एक व्यायाम आहे, जो संपूर्ण शरीराचा व्यायाम करतो. कोणत्याही प्रकारचा व्यायाम करण्यापूर्वी हे सहसा वॉर्म अपसाठी केले जाऊ शकते. जंपिंग जॅक केल्याने शरीराचे सर्व स्नायू योग्य प्रकारे काम करत नाहीत तर व्यक्तीचा मूड देखील फ्रेश राहतो आणि तणावही कमी होतो. जंपिंग जॅक व्यायाम करण्याचा योग्य मार्ग कोणता आहे आणि ते केल्याने आणखी कोणते फायदे मिळतात ते जाणून घेऊया.

जंपिंग जॅक करण्याचा योग्य मार्ग (right way of doing jumping jack)

जंपिंग जॅक व्यायाम करण्यासाठी सर्वप्रथम सरळ उभे राहा आणि वरच्या दिशेने उडी मारा आणि हात वर करा. हे करत असताना पाय सुद्धा पसरवा. तुम्ही खाली आल्यावर सामान्य स्थितीत या. हा व्यायाम दोन ते तीन मिनिटे पुन्हा करा.

जंपिंग जॅक व्यायाम करण्याचे फायदे (benefits of jumping jack exercise)

संपूर्ण शरीराचा व्यायाम

जंपिंग जॅक व्यायाम केल्याने संपूर्ण शरीराला व्यायाम होतो. हा व्यायाम करण्यासाठी एखाद्या व्यक्तीला भरपूर ऊर्जा आणि संपूर्ण शरीराची हालचाल आवश्यक असते. त्यामुळे डोक्यापासून पायापर्यंतचा व्यायाम होतो आणि व्यक्ती फिट राहते.

वजन कमी होते

जंपिंग जॅक व्यायाम हा लठ्ठपणा कमी करण्यासाठी ओळखला जातो. हा व्यायाम केल्याने वजन कमी होण्यासही मदत होते. या व्यायामामुळे शरीरातील कॅलरीज कमी होण्यास मदत होते. वजन कमी करण्याचे पहिले रहस्य म्हणजे तुम्ही जेवढे कॅलरी घेतात त्यापेक्षा जास्त कॅलरी जाळणे. जंपिंग जॅकच्या मदतीने तुम्ही जास्त कॅलरीज बर्न कराल. चांगले परिणाम मिळवण्यासाठी दररोज या व्यायामाचे ५० चे तीन सेट करा. जंपिंग जॅक व्यायाम केल्याने वजन कमी करण्याबरोबरच तुमच्या मांड्या, नितंब, हात आणि खांदे देखील आकारात येऊ लागतील.

तणावापासून मुक्ती

जंपिंग जॅक व्यायामामुळे मूड चांगला राहतो आणि तणाव कमी होतो. जंपिंग जॅक व्यायाम केल्याने एंडोर्फिन हार्मोनचा स्राव होतो, ज्यामुळे व्यक्तीचा ताण कमी होतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel