Fitness Mantra: पावसाळ्यात आजारांपासून राहायचं असेल दूर तर अशा प्रकारे करा स्वतःला तयार!

Burn Belly Fat: पोटाची हट्टी चरबी होईल कमी, फक्त रोज सकाळी प्या हे ड्रिंक, फॉलो करा या टिप्स

लवंग आणि काळी मिरी

रोगप्रतिकारक शक्ती वाढवण्यासाठी काढा पिणे फायदेशीर आहे हे प्रत्येकाला माहीत आहे. पावसाळ्याच्या दिवसातही त्याचा आहारात समावेश करा. लवंग, काळी मिरी, दालचिनी आणि तुळस यापासून बनवलेला काढा आरोग्यासाठी खूप फायदेशीर आहे. हा काढा घेतल्याने घसादुखीपासून आराम मिळतो. त्याचबरोबर आजारांशी लढण्यास मदत होते.

सोबत ठेवा कोमट पाणी

पावसाळ्यात दूषित पाणी प्यायल्याने पोटाशी संबंधित अनेक समस्या उद्भवू शकतात. हे टाळण्यासाठी पाणी उकळून गाळून घ्या आणि कोमट झाल्यावर प्या. रोज सकाळी कोमट पाणी प्यायल्याने शरीरातील विषारी पदार्थ बाहेर पडतात आणि रोगप्रतिकार शक्ती मजबूत होते. तसेच घसादुखीपासूनही आराम मिळतो. त्यामुळे पावसाळ्यात कोमट पाणी प्यावे.

Poor Nutrition: शरीरातील या लक्षणांकडे अजिबात करू नका दुर्लक्ष, दर्शवते आवश्यक पोषणाचा अभाव

फळं खा

पावसाळ्यात फळे खाणे खूप फायदेशीर ठरते. ज्या फळांमध्ये व्हिटॅमिन सी मुबलक प्रमाणात उपलब्ध आहे ती फळे आवर्जून खा. तुम्ही मोसमी, संत्री, आलूबुखारा, पीच अशी फळे खाऊ शकता. ही आंबट-गोड फळे तुमची रोगप्रतिकार शक्ती बर्‍याच प्रमाणात मजबूत करू शकतात. तसेच तुम्हाला आजारांपासून दूर ठेवू शकतात.

Jamun Eating Tips: जांभूळ खाण्याची सर्वोत्तम वेळ कोणती? जाणून घ्या दिवसभरात किती खावे

हळदीचे दूध प्या

रोज रात्री झोपण्यापूर्वी हळदीचे दूध प्यायल्याने अनेक फायदे होतात. रोगप्रतिकार शक्ती मजबूत करण्यासाठी हळद खूप फायदेशीर मानली जाते. दुधात चिमूटभर हळद टाकून हे रात्री प्यायल्याने शरीराचा थकवा कमी होतो आणि चांगली झोप लागते. शिवाय अनेक आजार आपल्यापासून दूर राहतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)