Fitness Mantra: वर्कआउटनंतर होणारे बॉडी पेन कमी करण्यासाठी फॉलो करा या टिप्स, लगेच मिळेल आराम
Post Workout Muscle Soreness: व्यायामानंतर हात, पाय, खांदे आणि कंबरेच्या स्नायूंमध्ये वेदना होणे सामान्य आहे. जे इंटेन्स वर्कआउट केल्यामुळे टिश्यूमध्ये होणाऱ्या क्रॅकमुळे होते. यापासून आराम मिळवण्यासाठी या टिप्स पाहा.
Tips to Relieve Sore Muscles After Workout: वाढता लठ्ठपणा ही आजकाल प्रत्येक दुसऱ्या व्यक्तीसाठी मोठी समस्या म्हणून उदयास येत आहे. जास्त वजन फक्त तुमचे व्यक्तिमत्व खराब करत नाही तर तुम्हाला अनेक आजारांना सामोरे जावे लागते. स्वत:ला तंदुरुस्त ठेवण्यासाठी लोक जीममध्ये व्यायाम, धावणे, पोहणे यासारख्या अनेक क्रिया करतात. पण वर्कआऊट दरम्यान बहुतेक लोकांना स्नायूंमध्ये वेदना आणि कडकपणाची समस्या जाणवते. वास्तविक वर्कआउट केल्यानंतर हात, पाय, खांदे आणि कंबरेच्या स्नायूंमध्ये वेदना होणे सामान्य आहे. जे अधिक तीव्र वर्कआउट्समुळे ऊतींमधील क्रॅकमुळे होऊ लागते. या प्रकारची वेदना बरी होण्यासाठी सुमारे २ ते ३ दिवस लागतात. अशा परिस्थितीत बॉडी पेन असणे सामान्य आहे. परंतु याचा अर्थ असा नाही की वेदनांच्या भीतीने तुम्ही व्यायाम करणे थांबवावे. जर तुम्हालाही वर्कआऊटमुळे होणाऱ्या दुखण्याने त्रास होत असेल तर काही घरगुती उपाय करून तुम्ही दुखण्यापासून आराम मिळवू शकता.
बॉडी मसाज
वर्कआउट केल्यानंतर स्नायू दुखणे आणि कडकपणापासून आराम मिळवण्यासाठी तुम्ही बॉडी मसाज करू शकता. मसाज केल्याने शरीरातील ब्लड सर्कुलेशन सुधारेल आणि स्नायूंना आराम मिळेल. मसाजसाठी तुम्ही मोहरीचे तेल, बदाम तेल, टी ट्री ऑइल वापरू शकता.
स्ट्रेचिंग
वर्कआउट सुरू करण्यापूर्वी आणि पूर्ण केल्यानंतर शरीर स्ट्रेच करायला विसरू नका. स्ट्रेचिंगमुळे लवचिकता वाढते आणि स्नायूंचा ताण कमी होण्यास मदत होते. वर्कआउटनंतर स्ट्रेचिंग केल्याने स्नायूचे दुखणे कमी होते.
सकस आहार
सकस आहार घेतल्यास शरीरातील वेदना दूर होण्यास मदत होते. याचे कारण असे की अशा पदार्थांमध्ये हेल्दी प्रोटीन, कर्बोदके आणि स्नायुच्या ऊतींच्या जलद दुरुस्तीसाठी आवश्यक चरबी असतात. व्यायामानंतर प्रथिनेयुक्त आहार घेतल्यास स्नायूंना होणारे नुकसान भरून काढण्यास मदत होते, यासाठी तुमच्या आहारात सोयाबीन, नट्स, अंडी आणि पनीर यांचा समावेश करा.
आईस पॅक
अनेक वेळा अतिव्यायाम केल्याने शरीर खराब होऊ लागते. या समस्येचा सामना करण्यासाठी तुम्ही आइस पॅक वापरू शकता.
स्ट्रेच
वर्कआऊट केल्यानंतर शरीराला नक्कीच स्ट्रेच करा. वास्तविक वर्कआउट दरम्यान स्नायू तंतू लहान होतात. अशा स्थितीत स्ट्रेचिंग केल्याने दुखण्यापासून आराम मिळतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
