Fitness Mantra: नवीन वर्षात स्वतःला करु नका इग्नोर, अशी घ्या मानसिक आरोग्याची काळजी
Mental Health: २०२४ ची सुरुवात उत्साहात झाली आहे. तुम्ही सुद्धा निरोगी आरोग्यासाठी काही संकल्प केले असतील. पण शारीरिक आरोग्यासोबतच मानसिक आरोग्य राखणे सुद्धा तेवढेच महत्त्वाचे आहे. या टिप्स फॉलो करा.
Tips to Take Care of Mental Health: निरोगी आरोग्य म्हटले की पहिला विचार हा शारीरिक आरोग्याचाच येतो. पण शारीरिक आरोग्याप्रमाणेच मानसिक आरोग्यही खूप महत्त्वाचे आहे. तंदुरुस्त राहण्यासाठी दरवर्षी लोक वेगवेगळे संकल्प घेतात. पण शारीरिक आरोग्याशिवाय आपण मानसिक आरोग्याविषयी बोलायला विसरतो. गेल्या वर्षी तुम्ही तुमच्या मानसिक आरोग्याबाबत झगडत असाल तर आता या वर्षभरात हा संकल्प करा आणि तुमचे मानसिक आरोग्य मजबूत करण्यासाठी या गोष्टी करा.
स्वत:च्या काळजीला प्राधान्य द्या
तुमच्या रुटीनमधील इतर सर्व कामांव्यतिरिक्त सेल्फ केअरला म्हणजेच स्वत:ची काळजी घेण्याला नक्कीच प्राधान्य द्या. तुमच्या बिझी शेड्युलमधून स्वतःसाठी वेळ काढा. तुम्हाला मित्रांना भेटायचे असेल किंवा कुटुंबासोबत काही वेळ घालवायचा असेल किंवा स्वतःच्या ग्रूमिंगसाठी थोडा वेळ घालवा. स्पा किंवा पार्लरमध्ये जा आणि स्वतःला पॅम्पर करा. या गोष्टी तुम्हाला आनंदी ठेवतील आणि मानसिक आरोग्यासाठी फायदेशीर आहेत.
स्वतःच्या कामाच्या मर्यादा सेट करा
प्रत्येक काम स्वतः करणे, इतरांना काहीही न बोलणे ही तुमची सवय झाली आहे. मग ते ऑफिसचं काम असो किंवा घरचं काम. ही सवय सोडण्याची वेळ आली आहे. तुमच्या मानसिक आणि भावनिक आरोग्यावर लक्ष केंद्रित करण्यासाठी इतरांच्या कामाला नाही म्हणायला शिका. कामात मदत घ्यायला शिका. जेणेकरून तुमचा कामाचा ताण कमी होईल आणि मानसिक दडपण येणार नाही. मानसिक आरोग्यासाठी या गोष्टी खूप महत्त्वाच्या आहेत.
तंत्रज्ञानाचा विचार करुन वापर करा
मोबाईल, टीव्ही, ओटीटी, सोशल मीडिया ही आजकाल मनोरंजनाची अनेक साधने आहेत. जे नेहमी हातात असतात. पण मनोरंजनाची ही सर्व साधने मनावर दडपण निर्माण करतात आणि नैराश्य निर्माण करतात. सोशल मीडियाच्या अतिवापरामुळे लोक निराश होत आहेत. त्यामुळे यंदाच्या वर्षात तणाव मुक्तीसाठी डिजिटल डिटॉक्सची गरज आहे.
सकारात्मक नाते निर्माण करा
काही लोकांशी बोलल्याने तुमचे मन हलके होऊ शकते आणि तुम्हाला बरे वाटू शकते. त्यामुळे लोकांशी संवाद साधा. ही सवय अनेकदा मानसिक आरोग्य सुधारण्यास मदत करते. टॉक्सिक लोकांपासून दूर रहा जे तुमची ऊर्जा काढून टाकतात आणि तणाव निर्माण करतात.
देवाचे आभार मानायला शिका
समाधान माणसाला आनंद देते. जेव्हा तुम्ही तुमचे जीवन आणि त्यात घडणाऱ्या चांगल्या गोष्टींसाठी देवाचे आभार मानायला शिकता तेव्हा तुमचे मन आनंदी होते. कारण तुमच्या मनात समाधानाची भावना येऊ लागते आणि तुम्हाला समाधान वाटते. जे तणाव पातळी कमी करण्यासाठी आवश्यक आहे. म्हणून मनात देवाप्रती कृतज्ञता ठेवा.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)