मराठी बातम्या  /  लाइफस्टाइल  /  Fitness Mantra: गोष्टी ठेवून विसरता? मेंदू तीक्ष्ण करण्यासाठी रोज करा हे व्यायाम

Fitness Mantra: गोष्टी ठेवून विसरता? मेंदू तीक्ष्ण करण्यासाठी रोज करा हे व्यायाम

Hiral Shriram Gawande HT Marathi
Mar 10, 2024 09:17 AM IST

Brain Exercise: काही गोष्टी विसरणे सामान्य आहे. पण जर असे वारंवार होत असले तर ते समस्या निर्माण होते. येथे काही व्यायाम आहेत, ज्यामुळे तुमचा ब्रेन मजबूत होतो.

मेंदू तीक्ष्ण करण्यासाठी ब्रेन एक्सरसाईज
मेंदू तीक्ष्ण करण्यासाठी ब्रेन एक्सरसाईज (unsplash)

Exercise to Boost Brain Power: बहुतेक लोक तक्रार करतात की ते काही गोष्टी ठेवतात आणि नंतर विसरून जातात. तसं तर हे सामान्य आहे. पण जर ही समस्या हळूहळू वाढत असेल तर तुम्ही लक्ष दिले पाहिजे. वयानुसार, काही लोकांना नावे आणि चेहरे लक्षात ठेवणे कठीण होते. ही कमकुवत बुद्धीची लक्षणे असू शकतात. जर तुमचे ब्रेन कमकुवत असेल तर तुम्हाला मानसिक आणि शारीरिकदृष्ट्या अनेक समस्या असू शकतात. हे टाळण्यासाठी मेंदूचा व्यायाम रोज करणे गरजेचे आहे. तुम्ही तुमच्या मेंदूची शक्ती वाढवण्यासाठी काही व्यायाम रोज करू शकता.

एरोबिक व्यायाम तुमच्या मेंदूला तीक्ष्ण करेल

मेंदूच्या आरोग्याला चालना देण्यासाठी एरोबिक व्यायाम सर्वोत्तम आहे. यामध्ये तुम्ही पोहणे, उडी मारणे, चालणे आणि सायकलिंगचा समावेश करू शकता. काही अहवाल सांगतात की एरोबिक व्यायामामुळे मेंदूच्या वृद्धत्वाची प्रक्रिया कमी होण्यास मदत होते.

डान्स आहे बेस्ट ब्रेन एक्सरसाईज

मूड आणि मानसिक आरोग्य सुधारण्यासाठी नृत्य हा सर्वोत्तम ब्रेन एक्सरसाइज आहे. हे मानसिक आरोग्य वाढवते आणि आनंदाची भावना देते. यामुळे मनही शांत होते.

ब्रीदिंग एक्सरसाइज आहे महत्वाचा

श्वास घेण्याचा व्यायाम तुमच्या शरीराला आणि मनाला अनेक फायदे देतो. तुमचे मन मजबूत करण्यासाठी खोल, मंद श्वास घेण्याचा प्रयत्न करा. याचा दररोज सराव केल्याने तुम्हाला अधिक चांगल्या प्रकारे लक्ष केंद्रित करण्यात मदत होईल.

शारीरिक हालचालींमध्ये व्यस्त रहा

अहवाल सांगतात की तुमच्या दैनंदिन दिनचर्येत शारीरिक हालचालींचा समावेश करणे महत्त्वाचे आहे. स्वतःला मोबाईलपासून दूर ठेवा आणि इतर कामांमध्ये व्यस्त रहा. याशिवाय सकाळी किंवा संध्याकाळी फिरायला जा.

ब्रेन गेम्स खेळा

मेंदूचे आरोग्य सुधारण्यासाठी गेम खेळणे महत्त्वाचे आहे. तुम्ही ब्रेन गेम्स जसे कोडे, क्रॉसवर्ड, बुद्धिबळ इत्यादी खेळू शकता. हे स्मरणशक्ती वाढवण्यास मदत करतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग