मराठी बातम्या  /  लाइफस्टाइल  /  Mahashivratri 2024: महाशिवरात्रीला मधुमेही रुग्णांनी अशा प्रकारे ठेवा उपवास, होणार नाही त्रास

Mahashivratri 2024: महाशिवरात्रीला मधुमेही रुग्णांनी अशा प्रकारे ठेवा उपवास, होणार नाही त्रास

Hiral Shriram Gawande HT Marathi
Mar 06, 2024 11:02 PM IST

Diabetes Care Tips: यावर्षी ८ मार्च रोजी महाशिवरात्री साजरी केली जाईल. या दिवशी शिवभक्त उपवास करतात. पण उपवास करताना मधुमेही रुग्णांनी काही गोष्टींची काळजी घेतली पाहिजे.

मधुमेही रुग्णांनी महाशिवरात्रीचा उपवास करताना या गोष्टींची काळजी घ्यावी
मधुमेही रुग्णांनी महाशिवरात्रीचा उपवास करताना या गोष्टींची काळजी घ्यावी

Fasting Tips for Diabetes Patients: यंदा ८ मार्च रोजी महाशिवरात्री साजरी होणार आहे. माता पार्वती आणि भगवान शिव यांचा विवाह महाशिवरात्रीच्या दिवशी झाला असे मानले जाते. तेव्हापासून महाशिवरात्री हा सण मोठ्या थाटामाटात साजरा केला जातो. या दिवशी शिवभक्त महादेवाची पूजा करतात आणि उपवासही ठेवतात. या दिवशी सर्वजण भगवान शंकराला प्रसन्न करण्यासाठी प्रार्थना करतात. जर मधुमेही रुग्णांनीही या दिवशी उपवास केला असेल तर त्यांनी काही गोष्टी लक्षात ठेवाव्यात, जेणेकरून कोणत्याही प्रकारचा त्रास होणार नाही. मधुमेह असलेल्या लोकांनी उपवास करताना कोणत्या गोष्टींची काळजी घ्यावी ते जाणून घ्या.

औषधे टाळू नका

लोक अनेकदा ही चूक करतात. तथापि कोणत्याही प्रकारच्या समस्येपासून दूर राहण्यासाठी हे करू नका. उपवासाच्या वेळी औषधे टाळू नका. ही चूक तुमच्या शरीराला हानी पोहोचवू शकते. औषधे घेतली नाही तर रक्तातील साखर वाढू शकते. त्यामुळे असे करू नका आणि वेळेवर औषध घ्या.

गोड फळे टाळा

फळांमध्ये नैसर्गिक गोडवा असतो. त्यामुळे त्यांचा ग्लायसेमिक इंडेक्स जास्त असतो. द्राक्षे, चिकू, पपई, अननस या फळांमध्ये ग्लायसेमिक इंडेक्सचे मूल्य जास्त असते. अशा परिस्थितीत ही फळे जास्त प्रमाणात खाल्ल्यास नुकसान होते.

योग्य गोष्टी खा

मधुमेह असलेल्या लोकांनी उपवासात फक्त अशाच गोष्टी खाव्यात ज्याचा ग्लायसेमिक इंडेक्स कमी असेल. तुम्ही असे पदार्थ सुद्धा खाऊ शकता ज्या पचायला वेळ लागतो. तथापि काहीही खाण्यापूर्वी एकदा आपल्या तज्ञाचा सल्ला घ्या.

उपाशी राहू नका

मधुमेहाचा रुग्ण जास्त वेळ उपाशी राहिल्यास रक्तातील साखर झपाट्याने वाढू शकते. त्यामुळे उपवासाच्या दरम्यान काही हेल्दी गोष्टी खात राहा. उपवास करण्याचा हा योग्य मार्ग आहे. जास्त काळ उपाशी राहू नका.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel