मराठी बातम्या  /  लाइफस्टाइल  /  Dupatta Styling: दुपट्टा कॅरी करायचे यूनिक पद्धती, पारंपारिक लुक बनवतील स्टायलिश

Dupatta Styling: दुपट्टा कॅरी करायचे यूनिक पद्धती, पारंपारिक लुक बनवतील स्टायलिश

Hiral Shriram Gawande HT Marathi
Mar 30, 2024 10:59 PM IST

Fashion Tips: पारंपारिक भारतीय पोशाखात दुपट्ट्यामुळे आणखी भर पडते. पण तुम्हाला माहीत आहे का की तुम्ही दुपट्टा घेण्याची पद्धत बदलून तुमचा संपूर्ण लुक बदलू शकता? दुपट्टा विविध प्रकारे कसा स्टाईल करावा ते येथे पाहा.

दुपट्टा स्टाईलिंग टिप्स
दुपट्टा स्टाईलिंग टिप्स (freepik)

Unique Ideas to Drape Dupatta: तुम्ही कितीही मॉडर्न झालात आणि वेस्टर्न ड्रेस घातले तरी पारंपारिक कपड्यांशिवाय तुमचा वॉर्डरोब पूर्ण होऊ शकत नाही. मग ती साडी असो, लेहेंगा असो किंवा सुंदर सूट असो. सण, उत्सव, लग्नसराई अशा विविध प्रसंगी स्त्रियांना साडी, लेहेंगा या सारखे कपडे घालणे कठीण जाते. अशा वेळी वॉर्डरोबमध्ये ठेवलेला सलवार सूट आठवतो, ज्याचा दुपट्टा खूप सुंदर आहे. तसं तर दुपट्टा ही एक अप्रतिम ऍक्सेसरी आहे, जी तुमचा संपूर्ण लुक बदलू शकते. विविध डिझाईन, पॅटर्नचे दुपट्टे सगळ्यांना आवडतात. पण तयार होत असताना दुपट्टा कसा स्टाईल करायचा असा पेच निर्माण होतो. हे काम फार कठीण नाही कारण तुमची योग्य ड्रेपिंग स्टाईल आणि दुपट्टा घेण्याची स्टाईल तुमचे संपूर्ण फॅशन खूप स्टायलिश आणि इतरांपेक्षा वेगळी दिसू शकते.

लेहेंगा स्टाईल दुपट्टा

लेहेंगा कितीही सुंदर असला तरी दुपट्टा नीट ड्रेप केला नाही तर मजा येत नाही. त्यामुळे लेहेंग्यासोबत दुपट्ट्याचा अशा प्रकारे वापर करा की तुमच्या ड्रेसची डिझाईन आणि कट वेगळा दिसेल. यासाठी दुपट्टा खांद्यावरून पुढे आणून U किंवा V आकाराचा ड्रेप तयार करा आणि कंबरेला लटकलेला भाग पिनच्या मदतीने फिक्स करा. यामुळे तुमचे हात पूर्णपणे मोकळे राहतील आणि दुपट्टाही जागेवरून सरकणार नाही.

केपसारखे घाला

बऱ्याच स्त्रिया सूट घालण्यास टाळतात, कारण त्यांना दुपट्टा घेण्यास गोंधळ होतो. जर तुम्हाला दुपट्टा हाताळताना डोकेदुखी होत असेल तर नक्कीच केप स्टाइलने दुपट्टा ट्राय करून पाहा. यासाठी दुपट्टा दोन्ही खांद्यावर शालीप्रमाणे बांधा आणि त्याची दोन्ही टोके मानेच्या मागील बाजूस सेफ्टी पिनच्या मदतीने जोडून घ्या. तुमची केप स्टाईल तयार होईल. ही केप स्टाईल तुमच्या पारंपारिक पोशाखाला फ्यूजन आउटफिटमध्ये बदलेल.

बेल्टसोबत ट्राय करा

तुम्हाला सगळ्यांमध्ये वेगळे दिसण्यासाठी दुपट्टा आणि बेल्टचे कॉम्बिनेशन परफेक्ट आहे. दुपट्टा आपल्या गळ्यात अशा प्रकारे घ्या की त्याचे दोन्ही भाग पुढे येतील. आता सुंदर बेल्टच्या मदतीने दुपट्टा घट्ट करा. यामुळे तुमची फिगर अधिक आकर्षक तर होईलच पण दुपट्टा पुन्हा पुन्हा सावरण्याचा त्रासही होणार नाही. तुम्हाला हवे असल्यास तुम्ही हिवाळ्यात अशा प्रकारे जीन्ससोबत तुमचा स्टोलही वापरू शकता.

हातावर बांधलेल्या ब्रेसलेटप्रमाणे

तुम्ही दिवसाच्या कोणत्याही कार्यक्रमाला जात असाल किंवा मित्रांसोबतच्या सोशल गेट-टुगेदरला जात असाल तर ही स्टाइल प्रत्येक प्रसंगी छान दिसते. यासाठी फक्त एका खांद्यावर दुपट्टा ठेवा आणि मागच्या बाजूने पुढे आणा आणि दुसऱ्या हाताच्या मनगटावर बांधा. तुम्ही ते तुमच्या मनगटाऐवजी ब्रेसलेटवरही बांधू शकता.

क्लासिक ड्रेप स्टाईल

फॉर्मल फंक्शनला जाताना दुपट्टा अशा प्रकारे घ्यावा की तो त्याच्या जागेवरून हलणार नाही किंवा त्याकडे जास्त लक्ष द्यावे लागणार नाही. या स्टाइलला क्लासिक ड्रेप म्हणतात. यामध्ये दुपट्ट्याचे प्लीट्स बनवले जातात आणि सेफ्टी पिनच्या मदतीने दोन्ही खांद्यावर ठेवतात. पण टसर, टिश्यू, कॉटन, ऑर्गेन्झा किंवा ब्रोकेडचे दुपट्टे मोकळे अधिक आकर्षक दिसतात. हे प्लेट्स न बनवता खांद्यावर सेफ्टी पिनने लावता येतात.

हेड एक्सेसरी म्हणून बांधा

जुन्या चित्रपटांमध्ये तुम्ही हिरोइन्स डोक्यावर स्कार्फ बांधलेल्या पाहिल्या असतील. या स्टाइलसाठी जॉर्जेट किंवा शिफॉनचा दुपट्टा योग्य आहे. फक्त तुमचा स्कार्फ एका पातळ पट्टीत दुमडून घ्या आणि तो तुमच्या डोक्याभोवती बंधाना स्टाईल किंवा हेअर बँड सारखा बांधा आणि बाकीचा मागच्या बाजूला लटकू द्या. अनौपचारिक प्रसंगी ही दुपट्ट्याची स्टाईल चांगली दिसते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)